КіруЖазушыны ұлықтады
Бүгін, 12 сәуір күні Ғарифолла Құрманғалиев атындағы облыстық филармония және Хамза Есенжанов атындағы облыстық балалар мен жасөспірімдер кітапханасының ұйымдастыруымен туғанына 115 жыл толып отырған қазақтың көрнекті жазушы Хамза Есенжановты ұлықтауға арналған «Арманың үндес еді Ақ Жайықпен…» атты әдеби-сазды кеш өтті.
Кешті облыстық мәдениет, тілдерді дамыту және архив ісі басқармасының басшысы Сайран Дүйсенов ашып, сөз сөйледі. Ақын Айтқали Нәріков «Жастар форумы» және Хамза оқуларының «Авторлық туынды» тақырыбындағы аталым иегерлерін марапаттады.
Әр екі жыл сайын өтетін «Мен қазақ қыздарына қайран қалам» тақырыбындағы шығармашылық байқау жазушының жұбайы София Тастемірованың рухына арналды. Аталмыш байқауда әділқазы алқасының шешімімен «Бас жүлдені» иеленген Қ.Мырзалиев атындағы №47 ЖОББМ 9 сынып оқушысы Камила Қанапия София анамыздың хаттарын оқып, көрініс қойды. Өңір әншілері «Көп болды Ақ Жайыққа бармағалы», «Ақ бақай», «Ақ Жайық», «Өмір», «Елім», «Ақ Жайығым» әндерін шырқады.
Шара барысында жазушының шығармашылық мұрасы сөз болып, фотосуреттері мен кітаптарынан көрме жасақталды.
Дәметкен ТАЛҒАТҚЫЗЫ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу