КіруЕң үздік отбасылар марапатталды
Бүгін, 8 маусым күні қалалық мәдениет және демалыс саябағында «Мерейлі отбасы – 2023» ұлттық байқауының қалалық кезеңінің жеңімпаздары марапатталды.
Қала әкімінің орынбасары Мирболат Нұржанов шараға қатысып, Бас жүлде иегерлерін марапаттады. – Осымен 9 жыл қатарынан қала деңгейінде «Мерейлі» отбасы байқауын өткізіп келеміз. Бізден шыққан отбасылар облыстық, республикалық деңгейде қала намысын қорғап жүр. Биылғы қатысушыларға да сәттілік тілеймін, – деп Мирболат Нұржанов жеңімпаздарды құттықтады.
Бас жүлдені Сүлеймендер отбасы еншіледі. І орынды Утебаевтар отбасы иеленсе, ІІ орынға Октябровтар отбасы лайық деп танылды. Жолымбетовтер отбасы мен Спиридиновтар отбасы жүлделі ІІІ орынды иеленді.
Байқауға ҚР Парламенті Мәжілісінің депутаты Абзал Құспан, «Таза қала» ЖШС, «Казпрострой» ЖШС, «My kids» балалар ойын орталығы, «Смартфон» ұялы телефон желілік дүкені, «Манго» желілік дүкені, «Хан бала» балабақшасы, «Дәстүр» ЖК, «IQ 07» оқу орталығы, «SuperStart» балаларды дамыту орталығы, «Европа плюс» мейрамханасы, «In.ai style» ательесі басшылары және жергілікті мобилограф мамандар демеушілік етті.
Бас жүлде және І орын иегері болған отбасылар облыстық кезеңге жолдама алды.
Дәметкен САҒЫНБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу