КіруBIM ТЕХНОЛОГИЯСЫН ЕНГІЗУ: ОНЛАЙН РЕЖИМІНДЕ ОҚЫТУ ӨТТІ
«Цифрлы Қазақстан» бағдарламасы аясында кәсіптік білім беру саласына 3D жобалау үлгісінде BIM технологиясын енгізу мақсатында мамандарды дайындайтын оқытушыларды оқыту жұмыстары жалғасуда. Үш айлық жоба шеңберінде бүгін Финляндиялық «Сollaprime» компаниясымен онлайн байланыс режимінде тренинг ұйымдастырылды.
«Collaprime» – интеллектуалды 3D үлгілерін пайдалану негізінде ақпараттық модельдеуді құруды қамтитын бағдарламалық жасақтаманы әзірлейтін жетекші фин компаниясы. 2016 жылы Финляндиядағы BIM-технологиялар саласындағы ең үздік BIM-жобасының жеңімпазы, «Global» сыйлығының лауреаты атанған. Қазіргі уақытта, компания BIM-технологиялары бойынша шамамен 50 жобаны аяқтаған.
Финляндиялықтардың тәжірибесін еліміздегі кәсіптік білім беру саласына енгізу жобасына қатысты жұмыстар 2017 жылы басталған болатын. Республика бойынша өңіріміз, соның ішінде Орал мұнай, газ және салалық технологиялар колледжі алғашқылардың бірі болып финдіктермен келісім жасады. Бұған облыс әкімдігі қолдау көрсетіп отыр.
Жобаны енгізудегі алғашқы бағыт бойынша қыркүйек айында финдік компания өкілдері технологияның маңыздылығы, қолданылуы жөнінде бір апталық семинар ұйымдастырған болатын. Екінші бағыт бойынша компанияның сарапшылары онлайн режимінде оқытуды жалғастыруда.
– Финдік сарапшылардың платформасы арқылы тікелей байланысқа шығып, олармен бірге оқудан өтудеміз. Жобаның үшінші бағыты – қарашаның ортасына жоспарланған. 6 мұғалім бұған дейін алған білімдерін Финляндияға барып, аталмыш компанияда жетілдіретін болады, – дейді колледж директорының орынбасары Ләззат Рамазанова.
2020 жылдан бастап еліміз еуропалық құрылыс нормаларына негізделген жаңа құрылыс нормаларына өтеді. Сондықтан оқыту үдерісіне ақпараттық модельдеу технологиясының (BIM) енгізілуі еңбек нарығына бәсекеге қабілетті мамандарды дайындауға септігін тигізері анық.
– 3D жобалауды енгізу құрылыс, мұнай-газ саласындағы жобалау жұмыстарын тиімді жүргізуге жол ашады. Бұл үлгіде дайындалған жобалардың ішкі көрінісін тапсырыс беруші визуалды түрде көре алады және өзгерістерін енгізуіне мүмкіндігі болады. Бұл келешегі бар жоба. Болашақта біздің оқу орнын аяқтаған мамандар 3D жобалауды өндірісте қолдана алады деп сенеміз. Финляндиялықтар қазір өндірісте 5D, 7D жобаларды қолдануда. Біздер де сол күнге жетеміз деп ойлаймын, – дейді оқу орны директоры Серік Мұхамбетәлиев.
Айта кетейік, жаңа жобаны енгізу үшін облыстық бюджеттен 133 млн. теіге бөлінген. Қараша айының соңына дейін финдік компания ВІМ-технологиясымен жұмыс істейтін құрал-жабдық әкеліп, колледж базасына орнатпақ.
Эльмира НҰҒМАНОВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу