КіруБҚО-ДА БІР ОТБАСЫН ӨЛТІРІП КЕТКЕН ҚАРАҚШЫЛАР РЕСЕЙДЕН ІЗДЕСТІРІЛУДЕ
Батыс Қазақстан облысында бір отбасын бауыздап кеткен қанды қол қарақшылар Ресейден іздестіріліп жатыр. Оралдық полиция Ресейдің көршілес облыстарына арнайы сұрау салыпты. Дегенмен қылмыстық істі тергеу амалдары қазір тоқтап тұр.
Облыстық полиция департаменті тергеу басқармасының бастығы Николай Колоницкийдің айтуынша, тергеу мерзімі уақытынан асып кетіпті. Яғни, ол процессуалдық тұрғыда тоқтатылды.
Естеріңізге сала кетейік, биыл қаңтардың 14 күні Янайкин ауылында қанды оқиға тіркелген. Запромётовтер отбасын белгісіз біреулер бауыздап кетіп, елді дүрліктірген еді. Қылмысын жасыру мақсатында қарақшылар үйді өртеп кеткен. Ал ауылдастары Запромётовтердың ешкіммен араздығы жоқ, үлгілі отбасы болғанын айтады.
БҚО полиция департаменті тергеу басқармасының бастығы Николай Колоницкийдің айтуынша, жан түршігерлік оқиғаға байланысты 3 қылмыстық іс қозғалып, ол Ішкі істер министрлігінің бақылауына алынған.
– Полиция келген кезде оқиға орнында қылмыскерлер болмаған. Бірақ сол жерден түрлі айғақ заттар табылды. Табылған саусақ таңбаларын да тексеріп жатырмыз. Ресейлік әріптестерімізге де хат жолдап, сұрау салдық. Тергеу ісі әлі аяқталмағандықтан, басқа ақпаратты айта алмаймыз, – деді БҚО полиция департаменті тергеу басқармасының бастығы Николай Колоницкий.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу