КіруБҚО БОЙЫНША ТМРКД БАСШЫСЫ ЖЫЛЫТУ ТӨЛЕМІН ҚАЛАЙ ЕСЕПТЕУ КЕРЕКТІГІН ТҮСІНДІРДІ
«Есептеу құралын орнату – бұл ең алдымен энергияны үнемдеуге ынталандырады. Есептеу құралдарын орнату кезінде жылу энергиясын тұтынушылар ресурстың тұтынылуын үнемі бақылай алады, осылайша аз төлеу үшін олар қанша тұтынғанын және жылу энергиясын тұтынуды қанша қысқартуға болатынын біле алады» деп түсіндірді Табиғи монополияларды реттеу комитетінің Батыс Қазақстан облысы бойынша департаментінің басшысы Алмас Отаров.
Қазіргі уақытта жылу энергиясын есептеу құралдары үлкен маңызға ие болды, өйткені жылу энергиясы коммуналдық шығындар арасында ең маңызды болып табылады және тұрғындардың коммуналдық төлемдер сомасының жетпіс пайызын құрайды.
Үйге ортақ жылу энергиясын есепке алу аспабымен жабдықталған және барлық тұрғын немесе тұрғын емес үй-жайлар жылу энергиясын есепке алудың жеке және (немесе) жалпы аспаптарымен жабдықталмаған көп пәтерлі үйде тұрғын үй-жайды жылыту жөніндегі коммуналдық қызмет үшін төлемақы мөлшері үй пәтерлерінің алаңының 1 шаршы метріне үйге ортақ аспап бойынша орташа көрсеткішті негізге ала отырып, оның алаңы бойынша айқындалады.
Бүгінгі күні тұтынушылар өздерінің тұрғын алаңының квадратурасы бойынша салыстыру үшін жылыту кезеңі үшін есептеу сомасын есептеуге мүмкіндігі бар.
«Ол үшін тек сілтеме бойынша өту керек: «Жайықжылуқуат» АҚ-ның http://jte.kz/dlja-fizicheskikh-lic/nachislenija-po-domam-za-period.html және есептеумен келіспеген жағдайда, сіз субъектінің әрекетін заңдылыққа тексеру үшін БҚО бойынша Табиғи монополияларды реттеу департаментіне хабарласа аласыз», – деп атап өтті Алмас Отаров.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу