Кіру«Қала тарихы: Жайықтан Оралға дейін»
Бүгін, қыркүйектің 6-сы күні М.Өтемісов атындағы Батыс Қазақстан университетінде Орал қаласының әкімдігінің қолдауымен, Қазақстан Республикасы тарихы кафедрасының ұйымдастыруымен «Қала тарихы: Жайықтан Оралға дейін» облыстық ғылыми-тәжірибелік конференциясы болды.
Шараны М.Өтемісов атындағы Батыс Қазақстан университетінің оқытушысы, ғылым докторы Жаңабек Жақсығалиев ашып, жүргізді. Басқосуға арнайы қатысқан Орал қаласының әкімі Миржан Сатқанов шаһардың тарихы жөнінде қысқаша тоқталды.
Конференцияның мақсаты – Шығыс пен Батысты, Еуропа мен Азияны жалғастырушы, қалыптасу тарихы Жайық қалашығынан бастау алатын Орал қаласы туралы болды. Басқосуда БҚУ-дың профессоры, доктор Мұрат Сыдықов, тарихшы Жақсылық Жақсығалиев, Батыс Қазақстан инновациялық технологиялық университетінің оқытушысы Райса Абдрахманова, облыстық тарихи – мәдени мұраларын қорғау жөніндегі инспекциясының мемлекеттік қызметкері Әлия Сағынова баяндама жасады. Конференцияға қатысқан қоғам белсенділері мен зиялы қауым өкілдері көне қаланың тарихы туралы өз ойларын ортаға салып, ұсыныс-пікірлерін айтты.
Гүлжан АЯЗБАЕВА
Версия для печатиСоңғы жаңалықтар
Қазақстандықтар 1 қаңтардан бастап саусақ іздерін тапсыруға міндеттеледі
Мал сою орындарының 70 пайызында бейнебақылау камералары орнатылды
Пікір үстеу