КіруАбай облысындағы орман өрті: қазіргі сағатта не белгілі
Төтенше жағдайлар министрлігі Абай облысындағы орман өртіне қатыста жаңа мәліметтерді жариялады. Бұл туралы ведмоство ресми сайтында хабарлады.
ТЖМ мәліметінше, Абай облысындағы орман өртін сөндіру үш бағытта – оңтүстік, батыс және шығыс жиекте жалғасуда. Бұл ретте, минералдандырылған жолақтар жасау жұмыстары қолжетімділігі қиын болуына байланысты тоқтатылған. Елдімекендерге қауіп төніп тұрған жоқ.
Өртті сөндіруге ТЖМ, Орман шаруашылығы комитетінен, жергілікті атқарушы органдардан және Қорғаныс министрлігінен 1 500-ге жуық адам, 300-ден астам техника жұмылдырылған. Сонымен қатар өрт аумағын аэровизуалды тексеру және өрт ошақтарына әуеден су төгуді жүзеге асыру үшін 14 тікұшақ тартылған. Өрт сөндіру жұмыстары басталғалы бері өрт ошақтарына әуеден 777 рет су төгілген (судың жалпы көлемі 2000-нан астам тоннаны құрайды).
«Кеше метеожағдайдың өзгеруіне байланысты (желдің екпіні секундына 18 метрге дейін) өрт төменгі бөлікте өрбіп, өрт ошағынан Талица ауылына (тұрғындар алдын ала эвакуацияланды) қарай бағыт алып, ауылды қорғауға өрт техникасы жұмылдырылған болатын. Өрт Талица ауылының шығыс жағынан далаға қарай өрбіп, өрт сөндірілді. Төтенше жағдайлар министрі генерал-майор Сырым Шәріпханов оқиға орнынан өрт сөндіру жұмыстарын үйлестіруде», – дейді ТЖМ өкілдері. Сондай-ақ ведомсвто қазіргі уақытқа дейін жедел желіге 104 қоңырау түскенін атап өтті.
ТЖМ және ТЖД жедел желі телефондары: 8 7172 53 32 84, 8 722 235 38 31.
Дереккөз: nur.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу