КіруОРАЛДЫҚ ТӘРТІП САҚШЫЛАР НАУРЫЗ МЕЙРАМЫН АТАП ӨТТІ
Шығыс халықтарына ортақ үлкен мейрам Наурыз – бірліктің, татулықтың, ізгіліктің, бақыттың мерекесі саналады. Осы мереке Орал қаласы полиция басқармасында аталып өтті.
Шарада алғаш сөз алған Орал қ.ПБ бастығының орынбасары полиция полковнигі Наурызбай Ғұмаров жеке құрамды Ұлыстың ұлы күнімен құттықтап, татулық, отбасыларына береке-бірлік тіледі. Шашу шашылып, «Ұлыстың ұлы күні елімізге, жерімізге құт-береке ала келсін». «Ұлыс оң болып, әрбір күніміз Наурыз күніндей шуақты болсын!» деген ақ жарма тілектер айтылды. Бірнеше құрылымдық бөлімше қызметкерлері қазақтың ұлттық тағамдарынан дастархан жайып, көпшілікке наурыз көже ұсынды.
Өнерлі тәртіп сақшылары «Қос қарлығаш», «Қыз бала – гүл», «Үрбибі» әндерін әуелете шырқады. Ұлттық аспап-домбыра шанағынан «Көңіл толқыны» күйі төгілді.
Шара соңында жеке құрам жайылған «Наурыздың дәмі» дастарханынан дәм татып, тілектерін айтты.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу