КіруБӘЙТЕРЕКТІКТЕРДІҢ КӨРМЕСІ КЕРЕМЕТ!
ҚР Президентінің «Ұлы даланың жеті қыры» атты мақаласын дәріптеу мақсатында бүгін түсауа Қадыр Мырза Әли атындағы мәдениет және өнер орталығының көрме залында Бәйтерек ауданының сурет және қолөнер шеберлерінің көрмесі болды.
Жақында ҚР Президентінің Жарлығымен Бәйтерек деген тамаша есімді алған бұл аудан жыл басын Елбасымыздың «Ұлы даланың жеті қыры» мақаласы аясында рухани жаңғыру жұмыстарынан бастауды жөн көрген екен. Өз қолдарымен жасаған бірнеше еңбектерін елуден астам көрерменнің назарына ұсынып, келушілердің қызығушылығын арттырған көрменің ашылуында Бәйтерек ауданы әкімінің орынбасары Көпжан Тұрлыбеков осындай тың жобаны жүзеге асырып, қолдау білдірген облыстық мәдениет басқармасына және аталмыш орталықтың директоры Бауыржан Халиоллаға ауылдастары атынан зор ризашылығын білдірді.
Сондай-ақ, керемет көрмені қызықтағандар арасында Бәйтерек ауданының «Құрметті азаматы», академик, ҚазИИТУ білім-ғылым кешенінің құрылтайшысы Ақсерік Әйтімов те бірге болып, құттықтау сөз сөйледі. – Алдымен, осы жылдың басында ауданымыздың есімі жаңарды. Бәйтерек деген сөздің өзі киелі, тамыры тереңге жайылған деген ұғымды, мағынаны білдіреді. Біздің ауданда көп ұлтты халық, жастар тату-тәтті өмір сүріп, Тәуелсіздіктің жемісін бірге көруде. Қазір осы көрмеден өздеріңіз тамашалап тұрғандай, кең байтақ Қазақстанның және біздің Ақ Жайықтың, Бәйтеректің сұлу табиғаты бейнеленген. Ұрпақтан-ұрпаққа өнеге болар құндылықтар, тарихи ескерткіштер ауданымызда өте көп. «Ұлы даланың жеті қырын» шебер суретшілеріміз салған дүниелер арқылы да әлемге мақтан ете аламыз. Бәйтеректен бақытты ұрпақтар мен талантты жастар шыға бермек. Олар осындай жақсы істерге үлестерін қоса бермек, – деді.
Осы көрменің басы-қасынан табылған ҚР Суретшілер Одағы БҚО бөлімшесінің төрағасы, Қазақстан Суретшілер Одағының мүшесі Қайыр Оразғалиев Бәйтерек ауданында тұратын қылқалам шеберлерінің қолынан шыққан бірнеше туындыларға, бояу арқылы сөйлеткен шеберліктеріне тәнті болып, шығармашылық табыс тіледі. Көрмеге келушілерге және қонақтарға ризашылығын айтқан ақын Бауыржан Халиолла Елбасымыздың «Ұлы даланың жеті қыры» атты мақаласын дәріптеу мақсатында осындай үрдістің жалғасын табатынын жеткізді. Көрмені баршаға жамағатқа Бәйтерек ауданының тарихи өлкетану музейінің директоры Ерназар Аманкелдіұлы жан-жақты таныстырды.
Өз тілшіміз.
Суреттерді түсірген Қ. Мырза Әли орталығы.
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу