КіруКЕДЕРГІ КЕЛТІРІП, АЙЫППҰЛ ТӨЛЕП ЖҮРМЕҢІЗ
Соңғы күндері Орал қаласы тұрғындары тарапынан қала ішінде көлік кептелісінің көбеюіне қатысты шағымдар көбеюде. «Қарабалас сағаттарда» ғана емес, тәуліктің кез келген уақытында қаланың орталық көшелерінде, әсіресе Еуразия даңғылы, Құрманғазы және Әйтиев көшелерінде кептеліс көп.
– Бұған, бірінші кезекте қардың мол түсуі себеп. Жолды қардың басуы, күртік көлік қозғалысына кедергі келтіруде. Қоғамдық көліктерге көбіне нақ жолдың жүретін бөлігінде тоқтауға тура келеді. Сондай-ақ сауда нысандарына келген жүргізушілер де көліктерін көліктер жүретін қатарға қойып кетеді. Осы фактілердің барлығы жинақтала келе апаттық жағдайларды немесе қозғалысты қиындатуға себеп болуда, – дейді Орал қаласы ПБ ЖПҚ аға инспекторы, майор Динара Әбдулхалықова.
Қар тазалау жұмыстарын жеделдету үшін коммуналдық қызметтер 24 сағатттық режимде жұмыс жасауда. Туындаған жағдайға байланысты оларға Орал қаласы Полиция басқармасының қызметкерлері көмек көрсетуде.
– Қар күреу жұмыстарына кедергі келтірген көліктер жолдан эвакуацияланады. ҚР Әкімшіліқ құқықбұзушылық туралы Кодекстің 601-бабында көрсетілген ережелерді бұзған жүргізушілер әкімшілік жауапкершілікке тартылады. Яғни жол белгілерімен немесе жолдың жүру бөлігіндегі таңбалармен көрсетілген белгілерді сақтамаған көлік иелері 3 АЕК көлемінде айыппұл төлейді, – деп түсіндірді Орал қаласы ПБ ӘТ бастығы, полиция подполковнигі Тимур Майранов.
Полиция қызметкерлері жүргізушілерге жол бойында көлікті қалдырмау қажеттігін, қар тазалау жұмыстарына кедергі келтірмеуді ескертеді.
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу