КіруШыңғырлау ауданында көлік ұрлау фактісі орын алды
Қазанның 28 күні сағат 08:30 кезінде Шыңғырлау ауданына қарасты Ащысай ауылында 1989 жылы туған әйелге тиісілі автокөлікті белгісіз біреу айдап әкеткен.
Күдікті үйінің қасында қойып кеткен «ВАЗ 21214» маркілі автокөлікті ішінде тұрған кілтімен от алдырып, көршілес ауылға дейін жету үшін пайдаланбақшы болған.
Шыңғырлау аудандық полиция қызметкерлері жүргізген жедел-іздестіру іс-шаралары барасында сол ауданның 34 жастағы тұрғыны анықталып, ұсталды. Автокөлік арнайы тұраққа қойылды.
ҚР ҚК-нің 200-бабы 1-бөлігі (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) бойынша сотқа дейінгі тергеп-тексерудің бірыңғай тізіліміне тіркелді. Сондай-ақ күдіктінің өзге де ұрлық істеріне қатысының бар, жоқтығы тексеріліп жатыр.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
