КіруСәби оққа ұшқан
Батыс Қазақстан облысында болған атыста жарақат алғандардың ішінде бір жасар сәби бар. Оқтың ұшқыны тиген кішкентай қызға ота жасалған, қазір оның жағдайы орташа ауыр деп бағаланып отыр.
Кеше кешке шаруа қожасы ауыл тұрғыны арасында туған кикілжің дауға ұласып, арты атыспен біткен. 48 жастағы азамат көлігінен аңшы мылтығын алып оқ атқан. Кесірінен 34 жасар ер адам мен 59 жасар әйел және бір жасар қызға бытыра ұшқыны тиген. Облыстық балалар ауруханасына түнде жеткізілген кішкентай қызға ота жасалған. Қазір оның жағдайы «орташа ауыр» деп бағаланып отыр.
– Сәбидің жағдайы орташа ауыр. Көп қан жоғалтпаған. Хирургиялық жолмен бытыра ұшқыны алынды. Әзірге дәрігер бақылауында болады,- деді облыстық балалар ауруханасының дәрігері Жайдар Сапарғали.
Жараланған екі үлкен адамның да жағдайы орташа дейді дәрігерлер. Олар аудандық ауруханаға жатқызылыпты. Ал оқ жаудырғаннан кейін қашып кеткен азаматты полицейлер сегіз сағаттың ішінде қолға түсірген.
– Полиция департаменті мен жедел іздестіру іс шаралары қолға алынды. «Тосқауыл» жедел жоспары енгізілді. Және өңірдің барлық жеке құрамына бағдар берілді. Нәтижесінде полиция қызметкерлерімен күдікті ұсталып, ол Сырым аудандық АПБ уақытша изоляторнына қамуға алынды. Қылмыс құралы тәркіленіп, қылмыстық іс материалдарына тіркелді,- деді БҚО ПД бастығы Арман Молдиярұлы.
Қазір болған жағдайға қатысты егжей-тегжей тергеу басталған. Күдіктіге адам өлтіруге оқталу фактісі бойынша қылмыстық іс қозғалды.
Айнара ИСА
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу