Кіру«АВТОБУС» ІС-ШАРАСЫ ЖҮРГІЗІЛУДЕ
Орал қаласында жолаушылар тасымалдайтын автобус жүргізушілері тарапынан тіркелетін жол-көлік апаттарының алдын алу мақсатында және апаттылықтың жай-күйін талдау үшін «Автобус» жедел алдын алу шарасы өткізілуде. Жедел алдын алу шарасы 13 қзанға дейін жалғасады.
Жол сақшылары рейд жүргізуде. Жол қозғалысы ережелерін өрескел бұзғандар анықталып, көлікті мас күйде басқаруға тыйым салынғаны ескертілді. Ең бастысы салон ішіне жолаушыларды толтыра салып алған әрбір автобус жүргізушісінен қала ішіндегі жолдарда жылдамдықты арттырмаулары талап етілді. Жол үстінде қауіпсіздік белдіктерін тағулары, ұялы телефонмен сөйлеспеулері тексерілді.
Алғашқы үш күнде 37 жол ережесін бұзу фактісі тіркелді.
Көлiк құралдарын пайдалану қағидаларын бұзғаны үшін 2 жүргізушіге, ал жолаушыларды, багажды автомобильмен тұрақты немесе тұрақты емес тасымалдауды, сондай-ақ жүктердi тасымалдауды жүзеге асыру кезiнде рейс алдындағы (ауысым алдындағы) техникалық қарап-тексеруден өтпеген автокөлiк құралдарын пайдалануға шығарғаны үшін 1 жүргізушіге әкімшілік хаттама толтырылды. Сондай-ақ мемлекеттiк немесе мiндеттi техникалық қарап-тексеруден өтпеген көлiк құралын басқарған 2 жүргізуші анықталды. Қоғамдық көлік рөліндегі 10 тұлға ұялы телефонмен сөйлесіп, жайсыздық туғызды. 7 жүргізуші маневр жасау қағидаларын бұзды. Өзге де жол жүрісі қағидалары бұзылған 6 факті тіркелді.
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу