КіруҮЗДІК ЖОҒАРЫ ОҚУ ОРЫНДАРЫНЫҢ ГРАНТЫН ИЕЛЕНДІ
Орал қаласындағы №46 ЖОББ мектептің үш түлегі еліміздегі үздік жоғары оқу орындарының грантын жеңіп алды.
Білім ұясын «Алтын белгімен» аяқтаған Елмира Исмағұлова екі оқу орнында тегін білім алу грантына ие болып отыр. Алматы қаласындағы Д.А.Қонаев атындағы Еуразиялық Заң Академиясы ұйымдастырған «Жеті Жарғы» олимпиадасына қатысқан өренге академияның «Заңтану» факультетіне 4 жыл тегін білім алу гранты ұсынылған. Сондай-ақ Сүлеймен Демирел атындағы халықаралық қазақ-түрік университеті ұйымдастырған республикалық пәндік олимпиадасында 1 орын алып, осы оқу орнының заң факультетінің «Құқықтану» мамандығы бойынша 100 пайыз грантын иеленді.
«Үздік аттестат» иегері Алина Тәжібаева да екі оқу орнының грантына және бір оқу орнына жеңілдікке ие болып отыр. Атап айтқанда, Түркістан қаласындағы Қожа Ахмет Ясауи атындағы Халықаралық қазақ-түрік университетінің ұйымдастыруымен өткен VIII Республикалық «Ясауи» олимпиадасына Дүние жүзі тарихы пәні бойынша қатысып, 3-орын алған әрі грант иегері атанды. Алматы қаласындағы Д.А.Қонаев атындағы Еуразиялық Заң Академиясы ұйымдастырған «Жеті Жарғы» олимпиадасының қорытындысы бойынша грант ұтып, Сүлеймен Демирел атындағы университеттің пәндік олимпиадасына қатысып, 4 жылдық оқуға жеңілдік иеленді.
Аружан Сағатова есімді түлек еліміздегі әлемдік стандартта білім беретін ерекше әрі жастардың арманына айналған Назарбаев университетінің білім грантын ұтып алып, оқуға жолдама алды.
Айта кетейік, аталмыш білім ұясын биыл 74 түлек аяқтады, олардың екеуі – «Алтын белгі» иегері, үш түлек «Үздік аттестат» алды.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу