КіруҰЛТТЫҚ СПОРТ ТҮРЛЕРІНЕН САЙЫСҚА ТҮСТІ
Ел Тәуелсіздігінің 30 жылдығына орай Орал қаласында «Ulttyq oiyn – asyl qazyna» атты ұлттық спорт түрлерінен сайыс өтті. Жарыстар «Орал» спорт клубының Бортау елдімекеніндегі Ат спорты бөлімінде ұйымдастырылды.
Спортты серік еткен әрі өзара бақ сынасқан жандар арасындағы шараны Орал қаласының дене шынықтыру және спорт бөлімі мен қалалық жастармен жұмыс жөніндегі ресурстық орталығы ұйымдастырды.
Мақсат – ұлттық ойынды қайта жаңғырту, дамыту және халық арасында кеңінен тарату.
Ойындар аударыспақ, жебе ату, гір тасын көтеру, қол күресі бойынша оздырылды.
Жарыс нәтижесінде аударыспақтан Мағжан Мағзомов – бірінші орын иеленді. Гір тасын көтеруде Рахим Какимов озса, қол күресінде Әлібек Меңдіғұлов жеңімпаз атанды. Ал садақ атудан Рауан Охасов мергендігімен танылды.
Сайыс жеңімпаздары алғыс хаттар мен арнайы сыйлыққа ие болды.
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу