КіруБҚО-ДА АККУМУЛЯТОРЛЫҚ БАТАРЕЯЛАР ШЫҒАРАТЫН ЗАУЫТ АШЫЛАДЫ
Бүгін облыс әкімдігінде облыс әкімінің төрағалығымен инвесторлар кеңесінің отырысы өтті. Кеңесте «Қайнар-АКБ» ЖШС-ның көліктің әр түріне арналған стартерлік аккумулятор батареяларын шығару жөніндегі жобасы мақұлданды.
Жобаны іске асырудағы алғашқы қадам БҚО әкімі Ғали Есқалиев пен «Қайнар-АКБ» ЖШС бас директоры Серікбай Ажмағамбетов арасында ынтымақтастық туралы Меморандумға қол қою болды.
Зауыттың қуаттылығы жылына 1,2 млн дана қорғасын-қышқылды аккумуляторларды құрайды, бұл ретте жоспарланған күрделі салымдар шамамен 40 млн АҚШ долларын құрайды. Аталған зауыттың құрылысы 2022 жылдың екінші тоқсанында басталады, ал жаңа зауытты іске қосу 2023 жылдың бірінші тоқсанына жоспарланған.
Компания өзінің экспортқа бағытталған өндірістік қуаттарын кеңейту туралы шешім қабылдады.
БҚО – Еуропа мен Орталық Ресейге ең жақын аймақ, бұл зауыттың өңірде орналасуының негізгі факторы болды. Бұл жеткізу мерзімі мен логистиканың құнын қысқартуға мүмкіндік береді.
Айта кету керек, «Қайнар-АКБ» ЖШС 45 жылға жуық тәжірибесі бар, жеңіл, жүк, ауыл шаруашылығы және қорғаныс көліктеріне арналған стартерлік аккумулятор батареяларын өндіруге маманданған. Батареялар Kainar, Bars, Вожак, Unikum, Nomad брендтерімен шығарылады. Зауыт дайын өнімді ТМД, ҚХР, БАӘ, Ауғанстан, Италия сияқты 15 елге экспорттайды.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу