КіруОРАЛДА ҚОҒАМДЫҚ ЖАСТАР ТЕАТРЫ ҚҰРЫЛДЫ
Оралда «Ғасыр жастары» қоғамдық жастар театры құрылды. Жаңа театр Орал қалалық Жастар мәдениет үйі жанынан ашылуда. Қазіргі уақытта жаңа құрам алғашқы қойылымға дайындық жүргізуде.
Салатанат сарайында өткен брифингте Жастар мәдениет үйінің директоры Медет Мерғалиев жаңа театрдың құрылу мақсатын таныстырып, қоғамдық жастар театрынан үлкен үміт күтетінін жеткізді.
Жаңа театрға кастинг негізінде қызығушылық танытқан өңір жастары, болашақ актерлар қабылданған.
Театрдың алғашқы қойылымы – Ш.Айтматовтың «Ғасырдан да ұзақ күн» романы желісімен әзірленген трагедиялық спектакль болмақ. Қоюшы режиссеры – Мемлекеттік «Дарын» Жастар сыйлығының иегері Жасқайрат Валиуллиев.
Брифингте Жасқайрат Валиуллиев спектакльге дайындық барысы және кейіпкерлер жөнінде сөз қозғады. Сахналанатын қойылымның мақсаты, оның берер ойы жөнінде де айтып өтті. Сондай-ақ, «Ғасырдан да ұзақ күн» романы желісі бойынша қазіргі заманның өмірімен ұштастырылып, жаңа стильде көрермен назарына ұсынылатынын жеткізді
Театрдың алғашқы қойылымы 23 сәуірге жоспарланып отыр.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу