КіруБҚО-ДА 1 СӘУІРДЕН БЕРІ 57 ОҚУШЫДА КОРОНАВИРУСТЫҚ ИНФЕКЦИЯ АНЫҚТАЛДЫ
Бүгін, 9 сәуір күні өңірлік коммуникациялар қызметі ұйымдастырған брифингте Батыс Қазақстан облысындағы коронавирустық инфекция бойынша эпидемиологиялық жағдайы мәлім етілді.
20 наурыздан бастап БҚО өңірі коронавирустың таралуы бойынша «қызыл» аймақта. БҚО санитариялық-эпидеиологиялық бақылау департаментінің басшысы М.Арыспаевтың мәліметінше, 1 сәуірден бері COVID-19 инфекциясының 864 жағдайы анықталды. Аталған жағдайлар ЖРВИ белгілері бойынша тексерілген 450 адамда, жақын қарым-қатынаста болған адамдарды тексеру кезінде 256 адамда, профилактикалық мақсатта тексерілген 147 адамда және стационарларға емдеуге жатқызу алдында эпидемиологиялық қадағалау мақсатында сынама алынған 11 адамда анықталды.
1 сәуірден бастап КВИ жұқтырған науқастармен қарым-қатынастағы 1523 адам анықталып, медициналық бақылауға алынды. Соңғы аптада (02.04-08.04.2021ж.) өткен аптамен (26.03.-01.04.2021ж.) салыстырғанда аурушаңдықтың 14 пайызға (653-тен 760-қа) өсуі байқалады.
Кәсіби құрамы бойынша коронавирус инфекциясы жұмыс істейтін адамдар, зейнеткерлерден көбірек анықталған. 1 сәуірден бері оқушылар арасында 57 жағдай тіркелген.
Қаңтар айында 1837, ақпан айында 1950, наурыз айында 2138, сәуір айында 864 жағдай тіркелді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу