Кіру«Әлемнің әміршісі – еңбек»
Еңбек күні мерекесі Мемлекет басшысы Н.Назарбаевтың қаулысымен 2013 жылы бекітілген еді. Мерекенің басты мақсаты – жалпыға ортақ еңбек қоғамын құру шеңберіндегі өндіруші еңбекті ынталандыру, жастар арасында жұмысшы кәсібін насихаттау және жұмысшы әулетіндегі көпжылдық дәстүрді нығайту. Осы орайда ұйымдастырылған «Еңбек жолы» конкурсы бойынша өңірдегі еңбек әулеттері мен өндіріс қызметкерлері бүгін Х.Бөкеева атындағы драма театрда өткен «Жалпыға ортақ еңбек қоғамын құру» форумы аясында марапатталды. Үздіктері республикалық байқауға жолдама алды.
«Үздік еңбек әулеті» аталымында Сәтбаевтар, «Жұмыс істейтін жастардың үздік тәлімгері» аталымында Бөрлі ауданы «Конденсат» акционерлік қоғамы өңдеу цехының басшысы Сырым Қожантаев, «Өндірістің үздік жас маманы» аталымы бойынша Орал қаласы «Батыс су арнасы» ЖШС-ның электромонтері Армат Ғиззат үздік атанды. Жеңімпаздар мен байқауға белсене қатысқандар арнаулы диплом, алғысхаттармен, сыйлықтармен марапатталды.
Еңбек қызметкерлерін облыс әкімінің орынбасары Бибігүл Қонысбаева, облыстық кәсіподақтар орталығының төрағасы Ербол Салықов, облыстық мүгедектер қоғамының төрағасы Жұмажан Қожжанов құттықтады.
Эльмира НҰҒМАНОВА
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу