КіруЖолдаудан жарқын болашақ күтеміз
Дүйсенғалиева Шалттыгүл Ахметқызы, №42 «Ақ ниет» гимназиясының дене шынықтыру пәні мұғалімі:
– Таяуда Қазақстан Республикасының Президенті Қасым-Жомарт Кемелұлы Тоқаев кезекті Жолдауын жолдады. Бұрынғы жолдаулармен салыстырғанда бұл жолы
экономикамен байланыстыра отырып, ұлттық Қауіпсіздікке ерекше мән берілді. Айтылған тұжырымдамалардың көбі әскери өнеркәсіп, сумен қамту немесе электр энергиясын өндіру сияқты көп бағыт бойынша елдің кауіпсіздігін күшейту керектігін айтып өтті.
Сонымен қатар, Ұстаздар-ұлттың зияткерлік қуаты. Олар білімді ұрпақ тәрбиелеу арқылы еліміздің өркендеуіне жол ашады. Үздік оқу бағдарламасы, заманауи мектептер, озық басқару жүйесі болса да, ұстаз білікті болмаса, оның бәрі бекер екені анық. Сондықтан педагогикалык, жоғары оқу орындарына талапты, қабілетті жастарды қабылдауға аса мән беру керек.
Әдемі Жарасова, Батыс Қазақстан облыстық Кәсіподақтар орталығының баспасөз хатшысы:
– Еңбек адамының мәртебесі туралы Мемлекет басшысы жиі айтып жүр. Айтып өткенімдей, жұмысшы мамандар ел экономикасын көтеретін, мемлекетті алға жылжытатын нағыз қозғаушы күш. Осы орайда бүгінгі жолдауда айтылған дүние, яғни «2025 жыл – жұмысшы мамандықтар жылы» болып жарияланғаны біз үшін көптен күткен жаңалық.
Өйткені Президенттің өзі ден қойған іс – баршамызға серпіліс береді және жақсы өзгерістерге алып келеді деп сенеміз.
Халықтың жағдайы жақсарып, дамыған елдермен тереземіз тең болу үшін ең алдымен экономикамыз мығым болуы керек. Сондықтан жұмысшы мамандардың сапалы әрі кәсіби жұмыс атқаруына жайлы жағдай жасау, бұл істе ел болып жұмылу – баршамызға міндет!
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Еріктілермен бірге есірткі жарнамаларын жою акциясын өтті
«Құқықтық тәртіп» республикалық жедел-профилактикалық іс-шарасы жүруде
