Кіру«ЖАСТАР ТҰРАҚТЫ ЖҰМЫСТЫҢ ЖОҚТЫҒЫНАН ҚИНАЛЫП ЖҮР»
Орал қаласы әкімі Абат Шыныбековпен болған кездесуде қала жастары жұмыссыздық мәселесін көтерді. Қоғамның қозғаушы күші болып табылатын белсенді жас оралдықтармен кездесу табиғат аясында ұйымдастырылды.
Қалалық жастар ресурстық орталығы ұйытқы болған бейресми форматтағы кездесуде жастардың жеткен жетістіктері мен шешуді қажет ететін түйткілдер қозғалды. Шаһар басшысы жастардың сауалдарына жауап беріп, қолдау бағытында атқарылып жатқан жұмыстарды мәлім етті.
Белсенді жас әрі пікірсайысшы Ақерке Шайхы қала жастары арасындағы жұмыссыздық мәселесін қозғап, шешу жолдарын ұсынды.
– Жастар тұрақты жұмыстың жоқтығынан қиналып жүр. Осы мәселені шешуде менің ойымша, біздің қаланың артықшылығы бар. Өйткені Орал – ең ірі трансұлттық корпорациясы бар қаланың бірі. Ол – «ҚПО б.в.». Бүгінгі таңда ірі мұнай компаниялары «Жас өркен», «Ізбасар» сынды жобаларды жүзеге асыруда. Мен де сол жобалардың біріне қатысудамын. Түйіндемені компаниялардың пошталарына жолдап қойып, жауабын күтіп отыру нәтижелі емес. Жергілікті биліктің «ҚПО» компанияларымен әлеуметтік әріптестік жөніндегі келісімшартында өңірдің жастарын жұмыспен қамту үшін байқаулар ұйымдастыру туралы тармақ көрсетілсе деймін. Бұл байқау арқылы үміткерлердің түйіндемелерін қараумен шектелмей, эссе жаздыру, тіл білу деңгейін тексеру, басшылық дағдыларын қарау арқылы өздеріндегі бос орындарға жұмысқа қабылдайтын болады. Осылай жұмыссыздықпен күресе аламыз, – дейді Ақерке Шайхы.
Осы ойды жалғаған «Жаңғыру жолы» жастар қозғалысының жетекшісі Дулат Мақатов оқу бітірген жас мамандардың мемлекеттік «Жастар практикасы» бағдарламасы аясында шетелдік немесе өңірдегі басқа да ірі компаниялардаа жұмыс жасауына келісім алуды ұсынды. Осы бағдарлама арқылы өзін көрсете алған жас сол ұйымда тұрақты жұмысқа орналасуға мүмкіндік алар еді.
Абат Абайұлы бүгінде көпшілік жасаған еңбегіне күнделікті табысын алуға бейімделіп алғанын, жұмысты да осы бағытта – шиномонтаж, көлік жуу орындарынан іздейтінін айтты. Коммуналдық ұйымдарда тұрақты жасауға бос орындар болғанымен, жұмыспен қамту орталығы бос орындарды ұсынғанымен 15 күнде немесе айына бір рет жалақы алатын жұмысқа кейбірі келісе бермейтін көрінеді. Ал Ақерке Шайхы келтірген ҚПО-б.в.мен бірлесе жастарды жұмысқа орналастыру механизмі бойынша компанияға ұсыныс жолданбақ.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу