КіруЖайық жұрты Наурызды тойлады
Бүгін, 22 – наурыз күні Тұңғыш Президент алаңында «Наурыз – береке бастауы» атты Ұлыстың ұлы күні – Наурыз мейрамына орай театрландырылған іс- шара өтті. Аталмыш мейрам » Күн мен Түн» хореграфиялық композициямен ашылды. Бұдан соң V Дүниежүзілік көшпенділер ойынының чемпионы Б.Серіковтің бастауымен аттылар көші ортаға келіп,»Теңге ілу» ойынынан шеберлік көрсетті. Одан әрі сахнаға Қыдыр ата келіп батасын берсе, Ұмай ана ән шырқап,әжелер аластау рәсімін жасап, қыз – келіншектер мерекеге жиналған қонақтарға ақтан ауыз тигізіп, бауырсақ үлестірді. Аталмыш шараға қатысқан өңір басшысы Н.Төреғалиев құттықтау сөз сөйледі.
– Құрметті жерлестер! Баршаңызды Ұлыстың ұлы күні – Наурыз мейрамымен шын жүректен құттықтаймын! Әз- Наурыз – ұлтымыздың болмысын, салт – дәстүрін, әдет – ғұрпын, руханиятын айшықтайтын мейрам.Кеше Мемлекет басшысы Астана қаласындағы «ЭКСПО» орталығындағы мерекеде барша ел тұрғындарын мейраммен құттықтады.Облыста «Наурызнама тұжырымдамасы» негізінде барлығы 1000- нан аса іс-шара ұйымдастырылды,-деді облыс басшысы.
Шуағын төккен мейрамда Алматы қаласынан келген «Номад» тобы әуелете ән салып, шараның шырайын келтірсе, «Ақжайық», «Айналайын», «Қарақат» ,»Көктем қызғалдағы» би ансамблдерінің бишілері тұрғындарға көтеріңкі көңіл – күй сыйлады. Сондай – ақ мерекеде меймандар мен қала тұрғындары ақ шаңқан киіз үйлерге бас сұғып, қолөнер шеберлерінің көрмесі мен ұлттық ойындарды тамашалап, қыз – жігіттер мен балалар алтыбақан тепті. Мерекеге жиналған қала тұрғындары бір – біріне ізгі тілектерін айтып, ақсақалдардың ақ батасын алды.
«Жайық үні»
Версия для печатиСоңғы жаңалықтар
«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
