КіруЖАЙЫҚТЫҢ ЖАЙЫ АЛАҢДАТАДЫ
М.Өтемісов атындағы БҚМУ-да ҚР Энергетика министрлігінің, ҚР Экология, геология және табиғи ресурстар министрлігінің, Еуропадағы қауіпсіздік және ынтымақтастық ұйымының, РФ Орынбор облысының қолдауымен және Батыс Қазақстан облысы әкімдігінің ұйымдастыруымен «Жайық өзені бассейнінің экологиясын сақтаудың бірлескен институционалдық және экономикалық тетігі бойынша ұсыныстар дайындау және халықаралық тәжірибелерді зерттеу мәселелері» тақырыбында екікүндік семинар өтті.
Халықаралық семинарға ЕҚЫҰ-ның Нұр-Сұлтан қаласындағы бағдарламалар кеңсесінің басшысы, елші Дьердь Сабо, ҚР Парламенті мен РФ Мемлекеттік Думасының депутаттары, ғалымдар, халықаралық және отандық сарапшылар қатысты.
– Жайық өзені біздің өңіріміздің және көршілес Ресей Федерациясы облыстарының әлеуметтік-экономикалық дамуында зор рөл атқарады. Сондай-ақ бұл өзен қос мемлекет үшін тарихи, эстетикалық және мәдени маңызға ие. Бұған қоса Жайық өзені бассейнінің экожүйесі жағдайының нашарлауы, соның ішінде су сапасының төмендеуі, жайылма ормандардың азаюы, биологиялық ресурстардың, әсіресе бағалы бекіре тұқымдас балықтардың жойылуы байқалды. Бассейннің жағдайы алаңдаушылық тудыруда. Бұл мәселелер бірнеше мәрте түрлі деңгейде, яғни Мемлекет басшылары, Үкімет және Қазақстан мен Ресей парламентшілерінің араласуымен қарастырылды. Екі мемлекет басшысының кездесуімен трансшекаралық өзендердің экожүйесін сақтау бойынша келісімшартқа қол қойылды. Мұның барлығы стратегиялық тұрғыда шешілді. Атап өту керек, күні бүгінде Жайық өзені Орал қаласын сумен және жылумен қамтамасыз ету үшін пайдаланылады, жылдық көлемі 17 млн. текше метрді құрайды. Биыл өзеннің деңгейі едәуір төмендеді. Бұл тұрғыда сумен қамтамасыз етуде баламалы қуат көздерін қолдану жолдары қарастырылуда. Ауыз судың жерасты көздерін қолдануды жоспарлап отырмыз, қазіргі таңда салалық министрлікпен тиісті жұмыстар жүргізілуде. Өзенді сақтауда бірлескен мақсатымызға жетерімізге сенемін, – деді жиында сөз алған облыс әкімі Ғали Есқалиев.
Шарада ЕҚЫҰ-ның Нұр-Сұлтан қаласындағы бағдарламалар кеңсесінің басшысы, елші Дьердь Сабо, ҚР Экология, геология және табиғи ресурстар министрлігіне қарасты Экологиялық саясат және тұрақты даму департаментінің директоры Наталья Дәулетьярова, РФ Орынбор облысының табиғи ресурстар, экология және меншік қатынасы министрінің міндетін атқарушы Константин Костюченко, «Біздің Жайық – Наш Урал» экологиялық-туристік қозғалысы» қоғамдық бірлестігінің төрайымы Елена Тарасенко және қос елдің сарапшылары мен ғалымдары сөз алып, Жайық өзенінің экологиялық жағдайын жан-жақты жақсартуға бағытталған бірқатар ұсыныс-пікірлерін ортаға салды. Батыс Қазақстан, Атырау және Ресей елінің көршілес Орынбор облысында бірдей аталып өтетін «Жайық күні» қарсаңында ұйымдастырылған халықаралық семинарда Жайық өзені бассейнінің экожағдайын жақсарту, өзен арнасын тазарту және тереңдету, жоғарыдан келетін су қарқынын арттыру, жасанды су қоймаларын салу, ортақ инвестициялық қор құру сияқты маңызды мәселелер жан-жақты талқыланды.
Версия для печати
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу