КіруЖАҢА МЕКТЕП – АУЫЛ БОЛАШАҒЫНА ЖАСАЛҒАН ҚАДАМ
Қаратөбе ауданындағы Сәуле ауылының оқушылары жаңа оқу жылын жаңа білім ордасында қарсы алады. Жақсыбай негізгі орта мектебінің жаңа ғимараты пайдалануға беріліп, ауыл балаларына заманауи талаптарға сай білім алуға мүмкіндік жасалды.
Жаңа мектептің ашылу салтанатына Батыс Қазақстан облысының әкімі Нариман Төреғалиев қатысып, ауыл тұрғындарын айтулы қуанышпен құттықтады.
– Жас ұрпақтың сапалы білім алуы үшін жағдай жасау – мемлекетіміздің стратегиялық міндеттерінің бірі. Соңғы үш жылда өңірімізде 30 мектеп жаңадан салынды. Биыл тағы 7 шағын жинақты мектепті пайдалануға беруді жоспарлап отырмыз. Бұл – ауыл мен қала мектептеріндегі білім сапасы арасындағы алшақтықты азайтуға бағытталған нақты жұмыстардың нәтижесі, – деді аймақ басшысы.
Облыс әкімі ауыл тұрғындарына ел тарихындағы тұңғыш Құрылтай сайлауына белсенді қатысып, азаматтық жауапкершілік танытқандары үшін алғыс білдірді. Сонымен қатар жаңа әлеуметтік нысанды уақытында әрі сапалы тұрғызған құрылысшыларға Алғыс хат табыс етті.
Жақсыбай негізгі орта мектебінің тарихы жарты ғасырдан астам уақытты қамтиды. Білім ордасы 1973 жылы бастауыш мектеп ретінде ашылып, 1991 жылы негізгі мектеп мәртебесіне ие болған. Ұзақ жылдар бойы пайдаланылған бұрынғы ғимараттың тозуына байланысты жаңа нысан салу қажеттілігі туындаған.
Енді ауыл оқушылары 60 орынға арналған заманауи ғимаратта білім алады. Мектеп KPO b.v. компаниясының әлеуметтік міндеттемелері аясында бой көтерген.
Жаңа білім ордасында оқушылардың сапалы білім алуына барлық жағдай қарастырылған. Мұнда 10 оқу кабинеті, 2 шеберхана, кітапхана, асхана, мәжіліс және спорт залдары бар. Балалардың қауіпсіздігі де назардан тыс қалмаған. Мектепке 62 бейнебақылау камерасы орнатылып, кіреберіске турникет қойылған.
Білім ошағының ауласы абаттандырылып, балалар ойын және спорт алаңдарымен толықты. Бұл ауыл балаларының сабақтан тыс уақытта да уақытын тиімді әрі қауіпсіз өткізуіне мүмкіндік береді.
Салтанатты шарада ауыл тұрғындары жаңа мектептің елді мекен үшін маңызы зор екенін атап өтіп, жас ұрпаққа жасалған жағдайға ризашылықтарын білдірді.
Жаңа оқу жылында Жақсыбай негізгі орта мектебінде 69 оқушы білім алып, оларға 29 педагог сабақ береді. Осылайша ауылдағы білім ордасы жаңа ғимаратпен ғана емес, балалардың сапалы білім алуына бағытталған жаңа мүмкіндіктермен толықты.
Соңғы жаңалықтар
Мемлекеттік қызметке кірудің жаңа мүмкіндіктері: жастар үшін не өзгерді?
Jastar X диалог алаңында Құрылтай сайлауындағы жастардың рөлі тақырыбында сарапшылар кездесуі өтті
Вьетнамдағы Қазақстан мәдениеті күндері аясында екі елдің өнер шеберлері қатысқан гала-концерт өтті
Квазимемлекеттік сектордағы комплаенс-бақылау мәселелері талқыланды
Қазақстан мұғалімдердің беделін нығайту көрсеткіші жөнінен екінші орында тұр
Мемлекет басшысы ұстаздар қауымын дәстүрлі Тамыз конференциясының ашылуымен құттықтады
Құрылтай сайлауы еліміздің қоғамдық-саяси өміріне үлкен өзгеріс әкелді – Президент
Президент тапсырмаларын жүзеге асыру: Қазақстан өңірлерінде жаңа өндірістер, инфрақұрылымдық және әлеуметтік нысандар ашылды
Президент «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
