КіруМемлекеттік қызметке кірудің жаңа мүмкіндіктері: жастар үшін не өзгерді?
Мемлекеттік қызметке орналасу енді бұрынғыдан да цифрлық әрі ашық форматқа көшуде. 2026 жылғы 1 шілдеден бастап «Қазақстан Республикасының мемлекеттік қызметі туралы» жаңа Заң күшіне еніп, мемлекеттік қызметке іріктеу тәртібіне бірқатар өзгеріс енгізілді.
Жаңа заңның негізгі мақсаты – мемлекеттік аппаратты кәсібилендіру, мемлекеттік қызмет көрсетудің сервистік және азаматқа бағдарланған моделін дамыту, сондай-ақ HR-процестерді цифрландыру.
Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің Мемлекеттік қызмет басқармасының басшысы Венера Нұрахметқызының айтуынша, жаңа нормалардың ішінде мемлекеттік қызметке алғаш рет орналасқысы келетін жастар үшін маңызды өзгерістер бар.
«Енді мемлекеттік қызметке іріктеу процесі толықтай цифрлық форматқа көшірілуде. Конкурс «Е-қызмет» ықпалдастырылған ақпараттық жүйесі арқылы өткізіледі. Бұл кандидаттар үшін рәсімді жеңілдетіп қана қоймай, іріктеудің ашықтығы мен объективтілігін арттыруға мүмкіндік береді», – деп атап өтті В.Масимова.
Жаңа жүйеде кандидаттардың дербес деректері жасырылып, үздік бес үміткер автоматты түрде анықталады. Ал прокторинг технологиясы конкурстық рәсімдер кезінде адам факторының ықпалын барынша азайтуға мүмкіндік береді. Бұған қоса, әкімшілік мемлекеттік лауазым үш айдан астам уақыт бос тұрса, оған конкурс цифрлық кадр жүйесі арқылы автоматты түрде жариялануы тиіс.
Жастар үшін тағы бір маңызды мүмкіндік – жоғары оқу орнын енді ғана аяқтаған түлектердің конкурстан тыс мемлекеттік қызметке орналасу мүмкіндігінің кеңеюі.
Бұған дейін мұндай мүмкіндік мемлекеттік білім беру тапсырысы бойынша білім алған және жоғары академиялық көрсеткіш көрсеткен түлектерге берілсе, 2026 жылғы 1 шілдеден бастап бұл талап ақылы негізде білім алған түлектерге де қолданылатын болды. Негізгі шарт – GPA көрсеткішінің кемінде 3,33 болуы.
Мұндай түлектер оқуын аяқтағаннан кейін бір жыл ішінде аудандық және ауылдық деңгейдегі «Б» корпусының жекелеген бастапқы және басқарушылық емес әкімшілік мемлекеттік лауазымдарына конкурстан тыс қабылдана алады.
Бұл мүмкіндіктің өңірде нақты нәтижесі бар. 2026 жылдың басынан бері осы тәртіппен Батыс Қазақстан облысында 8 түлек мемлекеттік қызметке қабылданған. Ал жаңа заң күшіне енген 1 шілдеден кейін тағы 10 түлек мемлекеттік қызметке орналасты.
«Бұл – жастар үшін мемлекеттік қызметке алғашқы қадамды жеңілдететін нақты мүмкіндік. Жоғары академиялық көрсеткішке ие түлектер үшін аудандық және ауылдық деңгейдегі лауазымдарға конкурстан тыс орналасу тетігінің кеңеюі өңірлерді жас мамандармен толықтыруға ықпал етеді», – деді В.Масимова.
Жаңа заң тек мемлекеттік қызметке іріктеу тәртібін емес, мемлекеттік қызметшілердің жекелеген санаттарының мәртебесін де нақтылайды. Атап айтқанда, сайланбалы мемлекеттік қызметшілер мемлекеттік қызметшілердің жеке санатына жатқызылды. Олар үшін арнайы оқыту тәртібі белгіленіп, ротациядан, іссапарға жіберуден және тәлімгерліктен босату көзделген.
Осылайша, жаңа заңның негізгі жаңалықтары үш бағытта көрінеді: мемлекеттік қызметке іріктеу цифрланады, жастар үшін кіру мүмкіндіктері кеңейеді, ал мемлекеттік аппараттағы кадрлық процестер барынша ашық әрі жүйелі бола түседі.
ҚР Мемлекеттік қызмет істері агенттігінің БҚО бойынша департаментінің Мемлекеттік басқару басқармасының басшысы В.Масимова
Версия для печатиСоңғы жаңалықтар
Мемлекеттік қызметке кірудің жаңа мүмкіндіктері: жастар үшін не өзгерді?
Jastar X диалог алаңында Құрылтай сайлауындағы жастардың рөлі тақырыбында сарапшылар кездесуі өтті
Вьетнамдағы Қазақстан мәдениеті күндері аясында екі елдің өнер шеберлері қатысқан гала-концерт өтті
Квазимемлекеттік сектордағы комплаенс-бақылау мәселелері талқыланды
Қазақстан мұғалімдердің беделін нығайту көрсеткіші жөнінен екінші орында тұр
Мемлекет басшысы ұстаздар қауымын дәстүрлі Тамыз конференциясының ашылуымен құттықтады
Құрылтай сайлауы еліміздің қоғамдық-саяси өміріне үлкен өзгеріс әкелді – Президент
Президент тапсырмаларын жүзеге асыру: Қазақстан өңірлерінде жаңа өндірістер, инфрақұрылымдық және әлеуметтік нысандар ашылды
Президент «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
