ЖӘРДЕМАҚЫ 23 ЖАСҚА ДЕЙІН ТӨЛЕНЕДІ

Аз қамтылған отбасылардың балаларына 23 жасқа дейін жәрдемақы төленеді.

«Сонымен қатар аз қамтылған отбасының балаларына берілетін жәрдемақы да өзгереді. Егер ол 1 шілдеге дейін 4 834 теңге болса, 1 шілдеден бастап 20 789 теңгеге жетеді. Ол 18 жасқа дейін төленеді. Егер ол балалар оқитын болса, онда 23 жасқа дейін төленеді. Оған қосымша ата-анасына табыстары күнкөріс айырмашылығын есептегенде күнкөріс деңгейінен төмен болса онда да оларға қосымша жәрдемақы төленеді», – деді бүгін Үкімет отырысында ҚР Еңбек және халықты әлеуметтік қорғау министрі Бердібек Сапарбаев. Министр әлеуметтік көмекті тағайындаған кезде халыққа ыңғайлы болуы және адамдарды бекерден-бекер сандалтпау үшін талап етілетін құжаттар саны азаятындығын айтты. «Енді осының барлығы қазіргі таңда жүзеге асырылып жатқан «Е-халық» жүйесімен жүзеге асырылады. Егер кейбір мәіліметтер жоқ болатын болса да ата-ананың келуінің керегі жоқ. Жергілікті жерлердегі жұмыспен қамту орталықтары, әкімшіліктер тиісті мемлекеттік органдарға сұрау жасап, өздеріне тиісті мәліметтерді алатын болады», – деді.
https://www.inform.kz/kz/az-kamtylgan-otbasylardyn-balalaryna-23-zhaska-deyin-zhardemaky-tolenedi-ministr_a3503012