КіруӨзен-көлде оқыс оқиға азаймай тұр
«От пен су – тілсіз жау», деп ескертеді Батыс Қазақстан облыстық төтенше жағдай департаменті. Жыл басынан бері облыс аумағында 11 адам суға кетіпті. Былтыр осы уақыт ішінде суға кеткен адам саны 16 болған екен. Көрсеткіш азайғанымен, өзен-көлдегі оқыс оқиғалардың алдын алу мүмкін болмай тұр. Көп жағдайда адамдардың бейқамдығы, қарапайым сақтық ережелерін сақтамауы орны толмас өкінішке соқтыруда.
Батыс Қазақстан облысының аумағында 200-ге жуық өзен, 144 көл бар, жаздың ыстық күндері халық демалу және қыдыру үшін су жағалап кетеді. Ал бүкіл облыста арнайы жабдықталған 26 ғана жағажай бар екен. Бұл жерлерде төтенше жағдай департаментінің құтқарушы жасақтары қауіпсіздікті қадағалайды. Одан бөлек, халық көп жиналатын жағажайларда полиция, көліктік бақылау инспекциясы, жергілікті атқарушы орган өкілдері және еріктілер бірлесіп, күн сайын рейдтік іс-шаралар өткізеді. Бірақ суға шомылатын әр адамға бақылау орнату мүмкін емес.
Мәселен демалыс күндері төрт адам суға кетіп, өмірімен қоштасты. Олардың екеуі мектеп жасындағы балалар. Марқұмдардың екеуі белгіленбеген жерде суға түсіп, жағаға шыға алмай қалған. БҚО ТЖД азаматтық қорғаныс басқармасының бастығы Теміржан Танжановтың айтуынша, 2022 жылмен салыстырғанда биыл арнайы жабдықталған жағажай саны көбейген. Су айдындарының қауіпті, шомылу үшін жабдықталмаған учаскелерінде 323 тыйым салу белгілері мен 77 ақпараттық стендтер орнатылған.
– Бүгінде төтеншеліктер суда болатын оқыс оқиғалардан сақтандыру үшін оқу¬шы¬лар арасында профилактикалық іс-шараларды жүйелі ұйымдастырып отыр. Облыстық дене шынықтыру және спорт басқармасымен арадағы меморандумға сәйкес жыл басынан бері 673 бала жүзуге үйренген. Бүгінге дейін департамент өкілдері 769 рейдтік іс-шара өткізіп, халыққа 2 200 жадынама таратты,- деді БҚО ТЖД азаматтық қорғаныс басқармасының бастығы Теміржан Танжанов.Қазір жаз кезі, барлық жерде оқушылардың жазғы демалыс лагерьлері өтіп жатыр. Осы кезеңде облыс бойынша 35 модульдік-қаңқалы бассейн ашылған. Олардың көбі балалар лагерьлерінде және аудан орталықтарында орнатылған.
Айнара ИСА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу