КіруТҰРҒЫН-ҮЙ КОММУНАЛДЫҚ ШАРУАШЫЛЫҒЫ ЖӘНЕ ҚҰРЫЛЫС САЛАСЫ ЖЕМҚОРЛЫҚТАН КӨШ БАСТАП ТҰР
Сыбайлас жемқорлыққа қарсы іс-қимыл Ұлттық бюросының Батыс Қазақстан облысы бойынша департаментінде 2018 жылы 86 сыбайлас жемқорлық құқық бұзушылық тіркелген. Тіркелген сыбайлас жемқорлық қылмыстардың басым бөлігі парақорлық. Бұл – 44,2 пайызды құрайды. Ал сеніп тапсырған бөтеннің мүлкін ұрлау және алаяқтық – 37,2 пайыз, лауазымдық өкілеттігін асыра пайдалану – 24,4 пайыз. Өндіріспен 74 қылмыстық іс аяқталып, сотқа жіберілген. Өткен жылы өңірде орын алған сыбайлас жемқорлық қылмысы фактілері туралы толығырақ бүгін өңірлік коммуникациялар алаңында өткен баспасөз мәслихатында департамент басшысы Рустам Ақмырзаев баяндады.
Рустам Сапарбекұлының айтуынша, сыбайлас жемқорлық қылмыс жасағаны үшін сотталған 40 тұлғаның 10-ына бас бостандығынан айыру, 21-іне айыппұл төлеу, 9-ына басқа жазалар тағайындалған. Тергеумен аяқталған қылмыстық істер бойынша келтірілген залал көлемі 375,7 млн. теңгені құраған. Оның 125 млн. теңгесі өндірілген. Есептік кезеңде 47 мемлекеттік қызметші мен оларға теңестірілген тұлғалардың қатысуымен 86 сыбайлас жемқорлық қылмысы жасалған.
– Сыбайлас жемқорлық құқық бұзушылықтардың ең көбін жергілікті атқарушы органның қызметкерлері жасаған, яғни 46 қылмыс тіркелген, 16 тұлға қылмыстық жауапкершілікке тартылды, сондай-ақ, ішкі істер огандарының қызметкерлері 33 қылмысқа жол берген. 22 тұлға қылмыстық жауапкершілікке тартылды. Сонымен қатар, сыбайлас жемқорлық үшін 4 министірліктің аймақтық құрылым қызметкерлері, ҚР Ұлттық банкінің облыстық бөлімшесінің 2 қызметкері мен квазимемлекеттік сектордың 2 қызметкері жауапқа тартылды, – деді департамент басшысы.
Өткен жылдармен салыстырғанда анықталған сыбайлас жемқорлық қылмыстарына жүргізілген талдау жұмыстары спорт және мәдениет салаларында өзгеріс бар екенін көрсетіп отыр. Бұрын анықталған құқықбұзушылықтардың саны бойынша алдыңғы орындарда болған бұл салаларда 2018 жылы қылмыстар тіркелмеген. Ал тұрғын-үй коммуналдық шаруашылығы мен құрылыс саласы көшбасшылық орындарды нық ұстап тұр. Бұл салада 35 қылмыс анықталып, 7 тұлға жауапқа тартылған. Ішкі істер органдары қызметкерлері де сыбайлас жемқорлық қылмыстарын жасау тоқтамай келеді.
– Ішкі істер орган қызметкерлерімен жасалатын қылмыстардың бірі лауазымдық өкілеттіктері шеңберіне кіретін мәселелерді шешу бойынша заңсыз іс-әрекеттер жасағаны үшін, атап айтқанда, адамдарды әкімшілік немесе қылмыстық жауапкершіліктен босатқаны үшін пара алу жайттары болып отыр. Лауазымдық өкілеттіктер шеңберіне кірмейтін мәселелерді шешу бойынша заңсыз іс-әрекеттер жасау жолымен алаяқтық фактілері орын алуда, – деп толықтырды Р.Ақмырзаев.
Ал аудандар бойынша ең нашар жағдай Бөрлі ауданында. Бұл ауданда 27 құқық бұзушылық жасалып, 4 лауазымды тұлға жауапқа тартылған. Теректі ауданында – 9 құқық бұзушылық анықталып, 3 тұлға жауапқа тартылса, Бөкейорда, Жәнібек, Бәйтерек, Сырым, Тасқала аудандарында бі-бірден сыбайлас жемқорлық қылмыстары тіркелген.
Эльмира НҰҒМАНОВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу