КіруӘскери тәртіп пен ұйымшылдықтарын көрсетті
Ұлы Жеңістің 80 жылдығы мен 7 мамыр – Отан қорғаушылар күніне орай «Атамекен» балалар-жасөспірімдер туризмі және экология орталығында «Елім деп соққан жүрек» атты әскери-патриоттық шара өтті.
Қаланың 14 мектебінен жиналған 400 ер бала мерекеге арналған шеруде бірыңғай саппен жүріп, әскери тәртіп пен ұйымшылдықтарын көрсетті.
Іс-шара «Адал азамат» біртұтас тәрбие бағдарламасы аясында жас ұрпақты отансүйгіштікке баулу, әскери дағдыларды меңгерту және азаматтық жауапкершілікті қалыптастыру мақсатында ұйымдастырылды. Салтанатты жиын Мемлекеттік Гимннің орындалуымен басталып, Ұлы Отан соғысында ерлікпен қаза тапқан батырларымызды бір минут үнсіздікпен еске алумен жалғасты.
Салтанатты жиынға қалалық білім беру бөлімінің басшысы Әлия Қайыржанова мен «Жастар Рухы» жастар қанаты Батыс Қазақстан облыстық филиалының төрағасы Архат Исламғали қатысып, жас буынға ізгі тілектерін білдірді. Олар өз сөздерінде жас ұрпақтың елге деген сүйіспеншілігін арттыру, патриоттық сезімдерін ояту және болашақта Отан қорғаушылар қатарын толықтырудың маңыздылығын атап өтті.
Шара барысында оқушылар оқу-далалық жиын барысында меңгерген теориялық білімдерін тәжірибе жүзінде көрсетіп, саптық шеру, әскери жаттығулар мен патриоттық әндер орындау арқылы өздерінің дайындық деңгейін паш етті. Оқу-далалық жиын аясында өткен әскери-патриоттық шара жас ұрпақтың бойында Отанға деген сүйіспеншілік пен жауапкершілікті арттырып, олардың азаматтық ұстанымын нығайтуға бағытталды.
Орал қалалық білім бөлімінің баспасөз қызметі
Соңғы жаңалықтар
ҚР Ауыл шаруашылығы министрі Айдарбек Сапаров өңірдегі «Кублей» ет өңдеу кәсіпорнының өндірістік әлеуетімен танысты
Орал қаласының әкімі Мұрат Байменов БҚО дәстүрлі садақ ату федерациясының президенті болып сайланды
Физикадан тарихи триумф: Қазақстан әлемнің ең беделді олимпиадасында бес алтын иеленді
Робот-собака, Тәртіпбек и Тазабек на «BaiQymyz–2026»: акцию «Закон и порядок» провели на гастрофесте в Астане
Қала аумағында абаттандыру талаптарының сақталуына бақылау күшейтілді
Орал қаласының мәдениет және тілдерді дамыту бөлімінің басшысы тағайындалды
Сыбайлас жемқорлықтың алдын алуға бағытталған тағылымды іс-шаралар өткізілді
«Әділет» партиясы Сайлауалды бағдарламасы мен Құрылтай депутаттығына кандидаттардың партиялық тізімін бекітті
Астанада «Әділет» партиясының кезектен тыс III Съезі өз жұмысын бастады
«Әділет» партиясында білім беру, мәдениет және креативті индустрияны дамыту мәселелері талқыланды
