КіруСЕРЕБРЯКОВТА ЖАҢА МЕШІТ
Круглоозерный кенті Серебряков ауылының тұрғындары бұдан бұлай Алланың қасиетті үйіне мінәжат етуге қалаға сабылмайтын болды. Өйткені жеке кәсіпкер, «Қайрат» шаруа қожалығының басшысы Жұмабай Әйтуев тұрғындардың сұранысы бойынша ел игілігі үшін ауылдың дәл іргесінен 150 орындық жаңа мешіт тұрғызды. Халықты имандылыққа, ізгілікке шақыратын берекелі шаңырақтың ашылу салтанатына Қазақстан мұсылмандары діни басқармасының төрағасы, бас мүфти Серікбай қажы Ораз қатысып, жамағаттың жағымды жаңалығын бірге бөлісті.
– Құрметті жамағат! Алла тағала қасиетті құранда «Алланың ризалығы үшін мешітті бірінші Алла тағалаға күмәнсіз иман келтірген пенделер, қиямет күніне сөзсіз сенген жандар, намазын, құлшылығын орындап, несібесі мен ырыздығына береке тілегендер салады» дейді. Олай болса сол Пайғамбар үмметінің үлкен сауапты амалының бірін бүгін халық болып, сіздердің қолдауларыңызбен, шынайы тілектеріңізбен Жұмабай Ісқабылұлы жүзеге асырып отыр. Бұл да болса, еліміздің бірлігі мен ынтымағының нәтижесінде жасалуда. Мешіт баршамызды имандылыққа, ұрпағымызды елін, жерін, Отанын сүюге тәрбиелейтін ізгіліктің ордасы болады. Өз сапарымда мешіттің ашылуына куә болғаным үшін, сіздермен жүздескенім үшін шүкірлік айтамын. Ақ Жайық жеріне Алланың нұры жаусын. Көнекөз қарияларымыз аман болсын. Атасын, анасын сыйлайтын, обал мен сауапты білетін ұрпақ өсіп-өнсін. Мешіт жамағатқа толсын. Осындай садақа жасаған азаматтарымыз көп болсын, – деген бас мүфти Серікбай қажы Сатыбалдыұлы Қазақстан мұсылмандары діни басқармасының атынан мешіттің имамына қасиетті құранды аманат ретінде табыстап, құран жаппайтын қари болуға шақырды. Белгілі сазгер, өнер қайреткері Жәкен Омаров имандылыққа шақыратын термелер шырқап, жұртшылықты ұйытты.
Бұдан соң көпшілік ғибадат үйіне еніп, иман сәулесін шашқан орданың ішкі келбетін тамашалады. Алдағы уақытта мешіт ел-жұртқа тек ізгілікті насихаттап, діннің тағылымын асқақтата түсетін болады.
Кәусар БАЙҒАЛИЕВА
Бәдиша БЕРІКҚАЛИЕВА, ауыл тұрғыны:
– Мешітті тұрғызған азаматқа зор алғысымды білдіремін. Болашақта киелі орын жастарға рухани-тәрбие беріп, дәстүрлі дінімізді насихаттайтынына сеніміміз мол. Мешіттің ашылуын асыға күттік. Өйткені қала орталығындағы мешіттерге жету аздап қиындық тудыратын. Енді міне, халықтың қалауы орындалып, Алланың жердегі үйі ауылымыздан ашылды.
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу