КіруҚұрметті Орал қаласының тұрғындары!
Сіздерді 7 мамыр – Отан қорғаушылар күнімен және 9 мамыр – Жеңіс күнімен шын жүректен құттықтаймын!
Бұл мерекелер – ел тыныштығы мен тәуелсіздігінің кепілі болған ерлік пен батырлықтың, қайсар рух пен отансүйгіштіктің жарқын көрінісі. Отан қорғаушылар күні – еліміздің қауіпсіздігін қамтамасыз етіп, бейбіт өмірімізді күзетіп тұрған азаматтарға деген құрметтің белгісі болса, Жеңіс күні – қан майданда жанын қиған батырларымызға тағзым етіп, ардагерлерімізге алғыс айтатын қасиетті күн.
Бүгінгі ұрпақтың бейбіт өмірі – сол сұрапыл соғыста ерлік көрсеткен аға буынның ерен еңбегі мен жанқиярлығының нәтижесі. Біз олардың ерлігін әрдайым ұмытпай, құрметпен еске алуға тиіспіз.
Ел қорғаны болып жүрген барлық әскери қызметшілерге, құқық қорғау органдары мен арнайы қызмет өкілдеріне зор алғысымды білдіремін. Сіздердің адал қызметтеріңіз – мемлекетіміздің тұрақтылығы мен қауіпсіздігінің негізі.
Қадірлі оралдықтар!
Сіздерге зор денсаулық, отбасыларыңызға амандық, елімізге тыныштық пен тұрақтылық тілеймін! Әр шаңырақта шаттық пен береке орнасын!
Мерекелеріңіз құтты болсын!
Құрметпен,
Орал қаласының әкімі Мұрат Байменов
Соңғы жаңалықтар
Оралда қаланы көркейтуге бағытталған көгалдандыру жұмыстары қарқын алды
Мемлекет басшысының атынан Астанада бір топ БАҚ қызметкеріне пәтер берілді
Бет-жүзді тануға кедергі келтіретін киімдерді киюге қатысты жауапкершілік туралы еске салды
Әлеуметтік желілерде арандатушылық пен алауыздықты қоздыруға мүлдем жол берілмейді – Бас прокуратура
Мемлекеттік қызметшілер күніне арналған салтанатты іс-шара өтті
Батыс Қазақстан облысында «50 жаңа аула» экологиялық акциясы жалғасуда
Мемлекеттік қызмет көрсету сапасын арттырудағы цифрлық мониторинг
ІІМ: «Жас сақшы» сыныптарының алғашқы түлектері сертификат алып, заңға қызмет ету жолын таңдады
