КіруОралда жаңа көпір салынады
Орал қаласында жаңа инфрақұрылымдық жобаны іске асыру аясында «Ақжайық» шағынауданын дамытуға бағытталған маңызды бастама қолға алынды. Жаңа шағынаудан мен қала орталығын байланыстыратын, өңіріміздегі соңғы 30 жыл ішіндегі алғашқы ірі көпір құрылысы басталмақ.
Салтанатты шараға облыс әкімі Нариман Төреғалиев қатысып, құрылыс жұмыстарының басталуына орай уақыт капсуласын салу рәсімі өтті. Іс-шараға мердігер ұйым өкілдері, жауапты мемлекеттік органдар мен сала мамандары қатысты.
Болашақ ұрпаққа арналған бұл капсуланы ашу мерзімі 2076 жылға белгіленген.
Жалпы аталмыш жоба Ақжайық шағынауданы мен қала орталығын тікелей байланыстыруды көздейді. Жаңа көпір Шаған өзені арқылы салынады. Көпірдің ұзындығы шамамен 4 шақырымды, ені 14 метрді құрайды және төрт жолақты қозғалысқа арналған. Сонымен қатар шағынауданды орталықпен байланыстыратын жолдар мен ішкі орам жолдарының құрылысы жүргізіледі.
Жобаны іске асыру қорытындысы бойынша мердігер ұйым ретінде «Казахдорстрой» ЖШС анықталып, құрылыс жұмыстарын «кілтке тапсыру» қағидаты бойынша жүзеге асыру жоспарлануда. Қазіргі уақытта тиісті келісімшарт жасалып, жобаның қаржылық қамтамасыз етілуі бойынша жұмыстар жүргізілуде.
Жобаның жалпы құны 35,8 млрд теңгені құрайды. Құрылыс жұмыстарын 36 ай ішінде аяқтап, нысанды 2028 жылы пайдалануға беру жоспарланып отыр.
Аталған жоба іске асырылған жағдайда қаланың көлік жүктемесі азайып, тұрғындардың қозғалыс мүмкіндігі жақсарады. Сонымен қатар Ақжайық шағынауданы мен оған іргелес аймақтардың әлеуметтік-экономикалық дамуына да елеулі серпін береді.
Соңғы жаңалықтар
Жазғы Азия ойындарына 500-ге жуық спортшы қатысады – Ербол Мырзабосынов жұмыс кеңесін өткізді
Жоғары оқу орындары мен ғылым жүйесінде жаңа Конституцияның құндылықтары мен нормаларын іске асыру
Казахстан вступает в один из наиболее важных этапов политической трансформации — статья Токаева в «The National Interest»
Әділет министрлігі: Жаңа Конституция тұрғын үй иелері құқықтарының басымдығын сақтайды
28 наурызда Қазақстан тағы да жаһандық экологиялық бастаманың бір бөлігі болады – «Жер сағаты» акциясы өтеді
Глава государства вручил звание «Қазақстанның Еңбек Ері» Ерванду Ильинскому 27 марта 2026 года
Будущее рынка ГСМ: эксперты обсудили вызовы либерализации ценообразования
Жанармай нарығының болашағы: сарапшылар баға қалыптастырудың сын-қатерлерін талқылады
Запрет на смартфоны в школах Нидерландов: стали ли дети лучше учиться?
Дешёвый бензин в Казахстане: преимущество или ущерб экономической эффективности
