Оралда скейтпарк салынуда
Орал қаласында көпфункционалды алаң салынуда. 14 тамыз күні облыс әкімі Алтай Көлгінов құрылыс алаңында болып, алаңдар салу, аулаларды абаттандыру жұмыстарымен танысты.

Қонаев көшесі бойындағы №49, 50, 51, 52, 53 үйлер аралығына көпфункционалды алаң салынуда. Жоба жергілікті бюджеттен қаржыландырылуда. Құны – 47 млн. теңге. Жалпы аумағы – 2 800 шаршы метр. Алаң street workout, футбол, екі балалар ойын алаңы және скейтпарк кешенін құрайды. Бұл қаламыздағы алғашқы скейтпарк болмақ.
Көпфункционалды алаңды «Марасант» ЖШС салуда. 1 шілдеден басталған құрылыс жұмыстары қыркүйекте аяқталуы керек.
– Скейтпарк толық бетоннан құйылуда. Аумағы – 600 шаршы метр болады. Футбол алаңы – 500 шаршы метрге есептелуде. Жұмыстарды аяқтауымыз жақын. Енді қоршауларды қойып, футбол және жаттығу алаңдарына резеңкелі қоқым төсеуіміз керек. Жаттығу құрылғылары қойылды, – деді «Марасант» ЖШС өкілі Рустам Дошимов.
Қалалық құрылыс бөлімінің басшысы Мирас Мұлқайдың айтуынша, өткен жылдан бері қалада 24 спорттық және ойын алаңдарының құрылысы жүргізіліп, алды тапсырылды. Қыркүйекке дейін тағы үшеуі пайдалануға берілуі тиіс. Сонымен қатар 22 алаңның ЖСҚ дайындалып, сараптамадан өткен. Қаржылық мәселе оң шешілсе, 10 алаңның құрылысы басталады.
Қалада 386 аула аумағы бар. 2007 жылы аулаларды абаттандыру бағдарламасы қолға алынысымен 298-і абаттандырылған. Бүгінгі күнге 89-ы қалып отыр. Биыл 29 аула жаңартылуда. Сондай-ақ 23 аула үшін ЖСҚ дайындалуда. Облыс басшысы аулаларды абаттандыру жұмыстарын қарқынды жүргізу қажеттігін айтып, жыл сайын кемінде 30 ауланы жаңартуды тапсырды.
Эльмира НҰҒМАНОВА

Соңғы жаңалықтар
Қазақстан мен Чехия полициясы ҚР және ТМД елдері азаматтарының жеке деректерін таратқан халықаралық арнаны жойды
Криптоәмияндар, транзакция және синтетика: ІІМ есірткі бизнесінің қаржылық және цифрлық схемаларына соққы жасауда
«Таза Қазақстан»: прокуратура органдарында цифрлық шешімдер енгізіліп, экологиялық бақылау күшейтілуде
«Сыбайлас жемқорлықсыз қоғам – жарқын болашақ кепілі» атты эссе байқауы қорытындыланды
День животноводов – признание вклада аграриев в продовольственную безопасность страны
«Әділет» партиясының филиалдары Қазақстанның барлық өңірінде құрылады
Бөкей хандығының 225 жылдығы аясында «BOKEI ORDA TRAIL» жүгіру жарысы өтті
10 мыңнан астам жұмыс орны және сенімді энергия: атом электр станциясын салудың негізгі артықшылықтары
БҚО делегациясы Қытай кәсіпорындарында инвестициялық келіссөздер жүргізді
Облыс делегациясы мұнай-химия өндірісінің озық тәжірибелерімен танысты
Қазақстанда 2029 жылға дейінгі халық табысын арттыру жөніндегі кешенді жоспар қабылданды
В Казахстане принята Общенациональная стратегия «Digital Qazaqstan» до 2029 года
Бөрлі ауданында сыбайлас жемқорлықтың алдын алуға бағытталған бірқатар іс-шара өтті
Қытай сапары: аймақ басшысы Нариман Төреғалиев Ляонин провинциясы партия комитетінің хатшысымен кездесті
157 стран поддержали кандидатуру Ляззат Калтаевой на выборах в комитет ООН
Заңнамалық өзгерістер және сыбайлас жемқорлыққа қарсы іс-қимыл мәселелері қаралды
Қытай сапары: БҚО әкімі Нариман Төреғалиев Ляонин провинциясының губернаторы Ван Синьвэймен кездесті
«Таза Қазақстан»: Астанада бір топ жас экологиялық акция өткізді

Кіру
Пікір үстеу