КіруОРАЛДА РЕСПУБЛИКАЛЫҚ АҚЫНДАР АЙТЫСЫ БАСТАЛДЫ
Оралда «Азаттықтың ақ таңы» атты республикалық ақындар айтысы басталды. Өнер аламаны БҚО әкімдігінің қолдауымен ұйымдастырылып отыр. Оған 20 ақын қатысуда. Жыр бәйгесін қатысушыларға сәттілік тілеп, облыс әкімі Алтай Көлгінов ашты.
– Ғасырдан ғасырға жетіп, үзілмей келе жатқан өнер – айтыс. Осы ұлттық өнерімізді көктем мерекесімен тұспа-тұс Ақ Жайық жерінде өткізуді ұйғардық. Біріншіден, санаулы күндерден кейін аналарымыздың, қыз-келіншектердің мерекесі. Бұл өңір М.Мәметова, Х.Доспанова, Х.Бөкеева, Д.Нұрпейісова сынды артында өшпейтін із қалдырған жандарды дүниеге әкелген жер. Сондықтан мұны ерекше атап өтуіміз керек. Сондай-ақ санаулы күндерден кейін жаңа жылымыз – «Наурыз» келеді. Әсіресе, осы батыс өңірі 14 наурыз «Көрісу күнінен» бастап Наурыз мерекесін тойлауды бастайды. Ендеше, «Наурыз мейрамы» да құтты болсын. Жұбан ақынның сөзімен айтсақ, біз «мың өліп, мың тірілген қазақпыз» ғой. Ата-бабамыз аңсаған тәуелсіздікке қол жеткіздік. Осы жылдар ішінде көпұлтты халықтың бірлігінің арқасында татулығымызды сақтап келеміз. Елбасы Н.Назарбаевтың бастамасымен қабылданған бағдарламалар халықтың әлеуметтік жағдайын жақсартуға бағытталды. Бұл да халықтың бірлігі үшін. Бірлік бар жерде тірлік бар. Айтыс та болады. Оның барлығы Тәуелсіздіктің арқасы. Ең басты құндылығымыз – Тәуелсіздік. Айтыс өнерін бізге үлкен буын жеткізді. Кейінгі ұрпақ осы өнерді жалғастыруы керек. Ұлттық өнеріміз асқақтай берсін. Бірлігіміз жарасқан ел болайық. Ұлттық қазына-байлығымызды сақтау сіз бен бізге байланысты, – деген Алтай Сейдірұлы айтыскерлерге шабыт тілеп, жыр бәйгесін қолдауға облыс әкімдігі әркез дайын екенін жеткізді.
Айтыс аламанын ҚР еңбек сіңірген қайраткері, М.Мақатаев атындағы сыйлықтың екі дүркін лауреаты, ақын Жүрсін Ерман жүргізуде. Сөз тарландарына қойылған басты талап – «Рухани жаңғыру» бағдарламасы мен Елбасының «Ұлы даланың жеті қыры» мақаласындағы ұлттық құндылықтарды дәріптеу, «Жастар жылы» аясындағы жарқын болашақты жырлау. Ал олардың тақырыпқа орай құраған ұтымды ұйқас пен мәнді тіркестерін Несіпбек Айтұлы төрағалығымен құрылған қазылар құрамы бағалайды.
Алғашқы сөз жарысын батысқазақстандық Орынбек Меңдіқұлов пен атыраулық ақын Амангелді Панабердиев бастады. Бұдан әрі есімі Алаш жұртына мәшһүр айтыскер түркістандық Бекарыс Шойбеков пен Алматы қаласы атынан шыққан Рүстем Қайыртайдың жұбы іліп әкетті. Үшінші жұп ретінде Шымкенттен келген Біржан Байтуов пен алматылық Хазірет Бердіхан шақырылды.
Атап өту керек, республикалық деңгейдегі айтыс Батыс Қазақстан облысында арада үш жыл өткенде ұйымдастырылып отыр. Жыр сайысы бүгін қорытындыланады.
Елмұра АСХАТҚЫЗЫ
Версия для печати
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу