КіруОРАЛДА 50 КӨШЕНІҢ ЖОЛЫ ЖӨНДЕЛДІ
Бүгін Орал қаласы әкімі Мұрат Мұқаев халық алдындағы есеп беру кездесуінде қаладағы жол құрылысы бойынша жасалған жұмыстар туралы баяндады.
Қала ішіндегі асфальтбетон жабынды автомобиль жолдарының 76 пайызы жақсы және қанағаттанарлық деңгейде. Жол құрылысы бойынша өткен жылы шаһарда ауқымды жұмыстар атқарылды. Теміртау көшесі, «Ғалымдар ауылы» шағынауданы, «Көкжиек» шағынауданының кіреберісі, А.Тайманов көшелері салынды. Сондай-ақ «Ет комбинаты» ауданындағы төрт көше жөнделді. Жолдарды жөндеу барысында 30 әлеуметтік нысанға баратын жол қамтылды. Жол жөндеу жұмыстары қаланың әр аумағында жүргізілгенін атап өту керек. Жалпы 7,5 млрд. теңгеге ұзындығы 50 шақырым болатын 50 көшенің жолы жасалды. Бұл жұмыс биыл да жалғасады.
Жол құрылысы бойынша атқарылған маңызды инфрақұрылымдардың бірі «Депо» ауданындағы өткелдің қолданысқа берілуі. Алғаш салынғаннан бері 53 жыл бойы күрделі жөндеу жасалмаған көпірді қайта салуға ҚПО б.в компаниясы 2,3 млрд. теңге бағыттап, құрылысты «Ка-строй» ЖШС жүргізді. Жаңа көпір өткелінің ұзындығы 536 метр. Ені екі есеге ұлғайтылып, 20 метрге жеткізілді. Көпірден тәулігіне 46 мың автокөлік өте алады. Бұл бұрынғыдан екі есеге артық.
– Қала көшелерінің көліктерді өткізу қабілеттілігін арттыру – маңызды бағыттардың бірі. Өйткені соңғы үш жылда көліктердің саны 25 мың бірлікке көбейді. Бірнеше аумақтар бойынша мәселелер бар екенін анықтадық. Осы ретте Гагарин-С.Датов, Әйтиев-Еуразия, Шолохов-С.Тюленин, Әбілқайыр хан-С.Датов көшелері қиылыстарының оң бұрылыстары бойынша күрделі жөндеу жүргізілді. Осылайша, сол аумақтардағы өткізу қабілеттілігін арттыруға мүмкіндік жасадық, – деді Мұрат Рахметұлы.
Жол жөндеу жұмыстары биыл да жалғасады. Қала басшысының сөзінше, жоспарланған жол жөндеу жұмыстарының бір бөлігі «Мемлекеттік-жекеменшік әріптестігі» бағдарламасы бойынша жүзеге асырылмақ. Қазіргі уақытта әлеуетті инвесторлармен келісімдер жүргізілуде. Сондай-ақ Шаған өзені арқылы қала мен болашақ «Ақжайық» шағынауданын байланыстыратын көпір құрылысын жобалаушы мекеме анықталған.
Ал Депо көпірі құрылысын жүргізген «Ка-Строй» ЖШС қазір «Нефтебаза» ауданындағы көпірді қайта құрылымдауды қолға алған . Бүгінде демонтаждау жұмыстары аяқталып, құрылысшылар бұрғылау жұмыстарына кірісуде. Жаңа көпір 4 жолаққа дейін кеңейтілмек (суретте). Жаяу жүргіншілер жолы 1,5 метрден болады. Құрылыс кезінде жаңа технологиялар қолданылмақ. Жобаның жалпы құны – 5,5 млрд. теңге.
Версия для печати
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу