КіруОрал қаласының активі Конституцияның жаңа редакциясын қолдады
Бүгін Орал қаласы әкімдігінде Қазақстан Республикасы Конституциясының жаңа редакциясын талқылау жөніндегі алқа отырысы өтті. Жиынға мемлекеттік және құқық қорғау органдарының басшылары, мәслихат депутаттары, қоғамдық кеңес мүшелері, ардагерлер, кәсіпкерлік, азаматтық қоғам, жастар ұйымдары мен бұқаралық ақпарат құралдарының өкілдері қатысты.
Басқосуда сөз сөйлеген Орал қаласының әкімі Мұрат Байменов Конституцияның жаңа редакциясы Президент бастамашы болған жүйелі реформалардың заңды жалғасы екенін атап өтті.
– Мемлекет басшысының көрсеткен «Заң мен тәртіп» қағидасы, адам құқықтары мен бостандықтарының үстемдігі, ұлттық мүдде мен мемлекеттілік құндылықтарын нығайту – осы реформалардың негізгі ұстанымдары. Жобада ұлттық бірегейлікті сақтау, мемлекеттің унитарлық сипатын күшейту, азаматтардың әлеуметтік жауапкершілігі мен құқықтық санасын арттыру секілді стратегиялық бағыттар айқын көрсетілген, – деді шаһар басшысы.
БҚО іскер әйелдер қауымдастығының төрайымы Жансұлу Төремұратова Конституция жобасында әділеттілік, әлеуметтік жауапкершілік, білім мен адами капиталға басымдық берілуі елдің ұзақ мерзімді дамуына негіз болатынын атап өтті.
Орал қаласының қоғамдық кеңесінің төрағасы Жұмабек Жапбаркулов заң үстемдігін күшейту, жергілікті өзін-өзі басқаруды дамыту және адам құқықтарын жүйенің өзегіне айналдыру жаңа редакцияның басты артықшылықтары екенін айтты.
Қалалық мәслихат депутаты Михаил Дудниченков жаңа Конституцияны басқару жүйесінің тиімділігін арттыратын, цифрландыру мен заманауи технологияларды құқықтық деңгейде бекітетін маңызды құжат ретінде бағалады.
Ал «Дарын» мемлекеттік жастар сыйлығының лауреаты Дулат Жүсіпқалиев Конституцияның жаңа редакциясы жастардың сұранысына сай келетінін, онда ашықтық, жауапкершілік, цифрлық құқықтарды қорғау және белсенді азамат қалыптастыру қағидаттары нақты көрініс тапқанын жеткізді.
Алқа отырысына қатысушылар Конституцияның жаңа редакциясы елдің тұрақты дамуына, қоғамдық келісімді нығайтуға және құқықтық мемлекетті қалыптастыруға бағытталғанын атап өтіп, ұсынылып отырған реформаларды қолдайтындарын білдірді.
Жиын қорытындысы бойынша Орал қаласының әкімі жауапты мемлекеттік органдарға Конституцияның жаңа жобасының мәні мен мазмұнын тұрғындар арасында кеңінен әрі жүйелі түрде түсіндіру жұмыстарын күшейтуді тапсырды.
БҚО баспасөз қызметі
Версия для печатиСоңғы жаңалықтар
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
