КіруОЙЫНШЫҚТАР ТАЛАПҚА САЙ МА?
Жаңа жыл қарсаңында БҚО қоғамдық денсаулық сақтау басқармасы жаңа жылдық сыйлықтардың сапасы мен қауіпсіздігіне аса көңіл бөлуде.
Желтоқсан айында департамент арқылы 30-ға жуық кондитерлік өнімдер сараптамадан өткізілген. Нәтижелері оң. Сонымен қатар жоспардан тыс тексеріс барысында жаңа жылдық жиынтықтардың ілеспе құжаттары тексерілген.
– Ағымдағы жылы 139 балалар ойыншықтары сатып алынып, оның 68 пайызы, яғни 95 үлгі техникалық регламенттер талаптарына сәйкес келмеді. Ойыншықтардың басым бөлігі таңбалануы және органолептикалық көрсеткіші бойынша сәйкес емес, – дейді БҚО қоғамдық денсаулық сақтау департаментінің басышыс Жайдар Құрманов.
Әсіресе, Қытай, Ресей, Беларусь, Украина, Өзбекстан елдерінен келген өнімдерде сәйкессіздік анықталған. Мысалы, Орал қаласындағы «Достовалов С.А» ЖК тиесілі «Спутник» дүкенінен алынған «Волшебная аптечка» балалар ойыншық жиынтығы, Қазталов ауданындағы жеке кәсіпкер К.Әубекеровтің «Жұлдыз» дүкенінен алынған «Blocks» балалар ойыншық конструкторы, Ақжайық ауданында жеке кәсіпкер А.Хуранидің «Арзан» дүкенінен алынған «Машинка» балалар ойыншығы техникалық талаптарға сай болмаған.
Елмұра АСХАТҚЫЗЫ
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу