Н.НАЗАРБАЕВ: ӘР БАЛАҒА 21 МЫҢ ТЕҢГЕ ТӨЛЕМАҚЫ БЕКІТІЛСІН

 – Көпбалалы отбасыларды қолдау шараларын күшейту керек. Бүгінде елімізде 340 мыңға жуық отбасында 4 баладан артық бала бар. Жыл сайын көпбалалы отбасыларға 500 млрд теңгеден артық бөлінеді. Бұл отбасылардың кірісі әртүрлі деңгейде. Оларға көмек көрсетуде табыс деңгейіне қарау керек. Көп кіріс кіретін отбасылар мен айлығы төмен отбасыларға мемлекет бірдей көмек көрсетпей, ең алдымен, мемлекет табысы төмен көпбалалы отбасыларға мән беру керек. Қазіргі уақытта мекенжайлық-әлеуметтік көмекті 111 мың отбасы алып отыр. Көпбалалы отбасылардағы әр балаға 21 мың теңге төлемақы бекітілсін, – деді Нұрсұлтан Әбішұлы.

 Елбасы толық емес, көпбалалы отбасыларға үйде жұмыс істеу жағдайларын жасау керектігін атап өтіп, әкімдерге көмекке мұқтаж отбасыларға қатысты өңірлік бағдарламаларды қайта қарауды тапсырды.

Сондай-ақ Үкіметке «Нұрлы жер» бағдарламасы аясында 40 мыңнан астам жалдамалы пәтер салуды тапсырды. Олардың басым бөлігі тұрмысы төмен көпбалалы отбасыларға берілуі тиіс. Осы мақсатқа алдағы 7 жылда қосымша жыл сайын 50 млрд. теңгеден бөлінеді.