Кіру«МОБИЛЬДІ ЕМХАНА» ЖОБАСЫ ҮЗДІК ДЕП ТАНЫЛДЫ
Бүгін облыстық білім басқармасы мен мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен Халықаралық цифрлық тенологиялар Сәулет және құқық колледжі базасында «Рухани жаңғыру» бағдарламасы аясында техникалық және кәсіптік білім беру ұйымдарының студенттері арасында «Цифрлы оқу орны» облыстық инновациялық жобалар байқауы өтті.
Облыстық инновациялық жобалар байқауы студенттердің инновацияларға қызығушылығын, цифрлық сауаттылығын арттыруды көздеді. Байқауға техникалық және кәсіптік білім беру ұйымдарынан қатысқан 26 студент бес бағыт бойынша, яғни «Цифрлық платформа», «Техникалық көрініс – 360 градус жобасы» электрондық цифрлық ресурстарды әзірлеу, «Digital mobile», «Smart Орал үшін ақылды технологиялар», «Мультжоба» бағыттары бойынша инновациялық жобаларын ұсынды. Мәселен, Ақсай техникалық колледжінің автокөлік жөндеу мамандығының 3 курс студенті Оралбек Батыржанов «Цифрлық технологияны әр салада қолданудың тиімділігі» тақырыбындағы жобасын ұсынса, Халықаралық цифрлық тенологиялар Сәулет және құқық колледжінің студенті Арман Чинбаевтың «Теректі ауданында 200 бас сүтті ірі қара мал фермасын құру», Батыс Қазақстан Жоғары медициналық колледжінің студенті Назерке Төлеуғалиеваның «Мобильді емхана» жобасы көпшіліктің қызығушылығын тудырды.
Облыстық білім басқармасының техникалық және кәсіптік білім беру бөлімінің әдіскері Жанар Карманованың айтуынша, «Рухани жаңғыру» бағдарламасы аясында облыстық инновациялық жобалар байқауы осымен екінші жыл қатарынан өтуде. Ал аймақтық кәсіпкерлік палатасының бөлім басшысы, әділқазылар алқасының мүшесі Айгүл Әбілхайырова әсіресе, студенттердің назарын аударған құбыр жабындарын реттеу, емханаға жазылу, сайттар жасақтау, колледж түлектерін жұмыспен қамтуды жүзеге асыратын инновациялық жобалар қоғамдағы өзекті мәселелер екенін айтады.
Байқау нәтижесінде Батыс Қазақстан Жоғары медициналық колледжінің студенті Назерке Төлеуғалиеваның «Мобильді емхана» жобасы жүзден жүйрік шықты.
Аталмыш колледждің «Лаборотория және диагностика» бөлімінің 1 курс студенті Назеркенің бұл жобасы №6 қалалық емханаға арналыпты. Қазіргі таңда ондай мобильді қосымша ешбір емханада жоқ көрінеді. – Алғашқылардың бірі болып осы қосымшаны жасадым. Емханаға тіркелген тұрғындар мобильді қосымшаны өзіне жүктеп ала алады. Сол кезде әр емделуші алдымен уақытын үнемдейді. Қосымшаны ойлап табу арқылы облыстық денсаулық сақтау саласына көмегіміз тиді деп есептеймін. Қазіргі таңда медицина қызметкерлеріне жұртшылықтың наразылығы көп. Қосымшадан дәрігерлердің уақыты тығыз екені көрініп тұрады. Кестелерін көріп отырасыз. Жобамды №6 емхана директоры Жұмабек Жәдігерұлы қолдап, сайтқа орналастырды, – дейді жоба авторы. Назеркенің жетекшісі Қанат Гупрановтың айтуынша, «К врачу» деген мобильді қосымша әуелден бар. Бірақ ол жалпы облыс бойынша көрсетілген. – Әр пациенттің өз емханасы бар. Сол себепті ол қосымшаға «Мобильді емхананы» интеграциялауды жөн көрдік. Негізгі түрткі болған жайт – мобильді қосымшаларды тиімді пайдалану. Бүгінде оқушыларды кәсіби мамандыққа баулу негізінде жобаның бастапқы этапын іске қостық, – дейді жоба жетекшісі.
Жеңімпаздар облыстық оқу-әдістемелік кабинетінің сыйлықтарымен, грамоталармен, сертификаттармен марапатталды.
Кәусар БАЙҒАЛИЕВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу