КіруМЕМЛЕКЕТТІК САТЫП АЛУ ТАЛАПТАРЫ ӨЗГЕРДІ
Бүгін Ақ Жайық өңіріне іссапармен келген ҚР Қаржы вице-министрі Руслан Бекетаев мемлекеттік органдар мен бизнес-қауымдастық өкілдерімен кездесіп, мемлекеттік сатып алу туралы жаңа заң талаптар жайлы сөз қозғады. Х.Бөкеева атындағы облыстық қазақ драма театрында өткен семинарды өңір басшысы Алтай Көлгінов жүргізді. Жиынға Қаржы министрлігінің өкілдері, Ақтөбе, Атырау, Батыс Қазақстан, және Маңғыстау өңірлерінің әкімдік қызметкерлері, «Атамекен» Ұлттық Кәсіпкерлер палатасының, қоғамдық ұйымдардың, бизнес-қауымдастықтардың өкілдері қатысты.
ҚР Қаржы вице-министрінің мәлімдеуінше, бұдан былай құрылыс саласында мемлекеттік тапсырысты орындаған мердігер тендер қаржысының 50 пайызын ғана қосалқы мердігерге төлей алады. Өткен жылдың желтоқсан айында мемлекет басшысы мемлекеттік сатып алу және квазимемлекеттік секторды сатып алу туралы заңға қол қойған. Биылғы жылдың қаңтар айынан бастап заңнама талаптары күшіне еніпті. Мемлекеттік сатып алу толықтай электрондық нұсқаға көшірілген. Заңнамалық өзгерістер бірінші кезекте құрылыс саласында сатып алуға қатысушыларға талаптарды жеңілдетуге байланысты. Алдағы уақытта материалдық ресурстардың болуын сатып алу туралы құжаттармен немесе бухгалтерлік құжаттармен растау талап етілмейді. Тіркеуге жататын техниканың техпаспортын қоса берсе жеткілікті. Заңға енген толықтырулар мен өзгерістер 3 блокқа бөлінеді. Біріншіден, мемлекеттік сатып алу рәсімдерін жеңілдету жөніндегі түзету, екіншіден, әлеуетті жеткізушілердің біліктілігін арттыруға бағытталған ережелер, үшіншіден бір көзден сатып алу үлесін төмендетуге бағытталған түзетулер.
Өз тілшіміз
Төлеген Бектұров, Маңғыстау облысы төтенше жағдайлар департаменті авариялық құтқару және өрт сөндіру қызметі мемлекеттік мекемесінің бас есепшісі:
– 2018 жылдың 26 желтоқсанында Мемлекет басшысы қол қойған Қазақстан Республикасының мемлекеттік сатып алу және квазимемлекеттік сектор субъектілерінің сатып алу мәселелері туралы заң 2019 жылдың 1 қаңтарынан бастап қолданысқа енгізілді. Заңда бірқатар концептуалдық өзгерістер бар. Сондай-ақ заңның ережелерін іске асыру барысындағы мемлекеттік сатып алуды жүзеге асыру қағидаларына да өзгеріс енгізілді. Осы орайда мемлекеттік сатып алу заңнамасына енгізілген өзгерістерді түсіндіру әр аймақта ұйымдастырылуда. Батыс аймақ бойынша Орал қаласында бірлескен кеңес өтті. Бұған Маңғыстау, Атырау, Ақтөбе, Батыс Қазақстан облыстары бойынша мемлекеттік мекемелердегі мемлекеттік сатып алу және қаржы саласы мамандары қатыстық. БҚО әкімі Алтай Көлгіновтың қатысуымен өткен кеңесте вице министр Руслан Бекетаев, қаржы министрлігі аудит комитеті, мемлекеттік сатып алу комитеті мамандары жан-жақты мысалдармен енгізілген жаңашылдықтарды түсіндірді. Мамандар атап өткендей, заңдағы түзетулер мемлекеттік сатып алуды жетілдіруге және квазимемлекеттік сектордың сатып алуларын заңнамалық тұрғыдан реттеуге бағытталған. Соның ішінде демпингті қолдану, әлеуетті өнім берушілерге қойылатын біліктілік талаптарын белгілеу, веб-порталға ақы төлеуді енгізу, бір көзден сатып алуды қысқарту және тағы басқа бөліктерді қамтиды.
Р.ХАЛЕЛОВТЫҢ СУРЕТІ
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу