КіруМЕМЛЕКЕТТІҢ ҚОЛДАУЫНА ИЕ БОЛҒАН ЖАҢА КӘСІПОРЫНДАР
Өңірде шағын және орта бизнес нысандары көбейіп келеді. Оларға мемлекет тарапынан қолдау да зор, даму деңгейлері билік назарында. Осы ретте бүгін, 1 қазан күні облыс басшысы Ғали Есқалиев пен қала әкімі Абат Шыныбеков жаңадан жұмысын бастаған кәсіпорындарда болып, тынысымен танысты.
«Uralsk Trade Company» сүт өндірісі зауыты 1 ай бұрын іске қосылған. Жаңа зауытта Беларусь Республикасынан жеткізілген құрғақ ұнтақтан сүт дайындалады. Өнім 25 градусқа дейінгі температурада 6 айға дейін сақталады. Келешекте өндіріс көлемі мен өнім түрлері көбейтіледі. Ол үшін сүт қабылдау орны ашылмақ. Ол үшін база, инфрақұрылым бар. Зауытқа әзірге 30 адам жұмысқа қабылданған. Жоба толықтай іске қосылған кезде жұмысшылар саны 100-ге жеткізіледі.
– Зауыт тәулігіне 116 тонна сүт дайындауға қуатты. «Зорькин луг», «Молоково» тауарлық белгісін қолданып келеміз. Қазіргі уақытта «Уральская» тауарлық белгісін патенттеуге ұсындық. Осы «Уральская» белгісімен шығатын өнім тек табиғи сүттен болады. Сүт қабылдау орнын ашсақ, айран, сүзбе өндіреміз, – дейді кәсіпорын басшысы Саяхат Ғабдуллин.
Бұл жобаның құны – 1 млрд. теңге. Оның ішінде «Бизнестің жол картасы» бағдарламасы бойынша «Даму Қоры» арқылы жылдық 4 пайыздық мөлшерлемемен 300 млн. теңге қаржылай қолдау көрсетілген.
Ал облыс орталығында осыдан төрт жыл бұрын жұмысын бастаған «Eurasian Trend» ЖШС ішкі есіктер дайындаумен айналысады. Бүгінде кәсіпорында бес цех жұмыс жасап тұр, 80 адам қызмет етеді. Тәулігіне 200 есік шығарылады. Жобаны бастауда кәсіпорын басшысы «Бизнестің жол картасы» бағдарламасы аясында «Даму Қоры» арқылы 350 миллион теңге қаржылай қолдау алған. Болашақта өндіріс көлемін арттырып, айына 10 мың есік дайындау көзделіп отыр. Сонымен қатар қазір корпустық жиһаздар дайындау қолға алынуда.
– Шикізатты Ресейден, Еуропадан алдыртамыз. Әлі де дамытып, өнім көлемін көбейткіміз келеді. Бірақ, қазіргі уақытта ғимаратты жалға алып отырғандықтан, мүмкіндік болмай тұр. Мемлекеттік көмек қажет. Өзіміз үшін цех салуға коммуникациялық желілері тартылған жер берілсе, жоспарымызды толықтай жүзеге асыра алар едік, – дейді кәсіпорын басшысы Биболат Хайрушев.
Есік жасауға МДФ, ағаш, ПВХ пленкалары, желім, шыны пайдаланылады. Ішкі есіктердің 20 түрі жасалады. Экологиялық таза. Дайындалған есіктер Орал қаласымен қатар тапсырысқа сай басқа өңірлердің нарығына жөнелтіледі.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Пікір үстеу