КіруМал сою орындарының 70 пайызында бейнебақылау камералары орнатылды
Батыс Қазақстан облысында мал сою орындарының 70 пайызында бейнебақылау камералары орнатылды, деп хабарлайды ҚазАқпарат тілшісі. БҚО полиция департаментінің бастығы Арман Оразалиевтің мәлім еткеніндей, жыл соңына дейін барлық мал сою орындары осындай қондырғымен қамтамасыз етілетін болады.
Оның сөзіне қарағанда, бұл осы кәсіппен айналысатын адамдардың өздері үшін керек. Олар өз есебінен бейнебақылау камераларын орнатса, бәрі де алақандағыдай көрініп тұрады. Департамент бастығының айтуынша, облыста мал ұрлығы мәселесі өте өзекті болып отыр. Күні бүгінге дейін 94 мал ұрлығы тіркелсе, соның 47-сі ашылған жоқ. Соның ішінде 12-сі ауыр қылмыстар санатына жатады.
«Облыстық және қалалық батальондар мал тасымалдаумен айналысатын көліктерді ұдайы тексеріп жатыр. Соның нәтижесінде күні кеше ұрланған малды тиеп алып келе жатқан, бұрыннан есепте тұратын жүргізуші ұсталып, уақытша ұстау изоляторына қамалды. Жолдар бақылауға алынғаннан кейін ұрылар басқа амалға көше бастады. Мысалы, Сырым және Жаңақала ауданында өздерінің атына тіркелген мылтықпен малды далада атып өлтіріп, сойған деректері де тіркелді», – дейді Арман Молдиярұлы.
Департамент бастығы облыс әкімінің қолдауымен аталған батальондардың жыл соңына дейін 90 автокөлікпен қамтылатынын жеткізді. Ол сондай-ақ Орал қаласында «Кибер-шериф» кешені іске қосылатынын айтты. Шаһар жылдамдық өлшеу құралдарымен де толық қамтылатын болады. Ақсай қаласында да қазан айының аяғына дейін бейнекамералар мен жылдамдық өлшеу қондырғылары орнатылады. Алдағы жылдың бірінші тоқсанында Ақсайда жедел басқару орталығы жұмыс істейтін болады.
«Малды чиптеу де маңызды. Терінің астына енгізілген чипті сканерлесе, малдың кімдікі екені белгілі болып тұрады. Оның және бір тиімділігі, жоғалмайды. Жалпы, мал ұрлығының алдын алу бағытында заманауи тәсілдерді енгізудеміз. Айталық, бір волонтер дрондарды қолдану жөнінде ұсыныс жасады. Сондай-ақ оған полиция қызметкерлерін үйретпекші. Бұл дрондармен тек күндіз емес, түнгі уақытта да малды бақылауға болады екен. Мұны да қарап көреміз», деді А.Оразалиев.
Еске сала кетейік, бұдан бұрын «трамадол королінің» не үшін тұтқындалғаны белгілі болғанын жазған едік. Сондай-ақ Орал қаласында 60 мектепте дабыл қондырғысы орнатылды.
Дереккөз: inform.kz
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу