КіруМәдениет үйі мен кітапхана жұмыс істейді
Таяуда Орал қаласының іргесіндегі Круглоозерный кентінде көптен күткен қуаныш – 250 орындық жаңа Мәдениет үйі пайдалануға берілді.
Ашылу салтанатына Орал қаласының әкімі Мұрат Байменов қатысып, жобаның әлеуметтік маңызын атап өтті. – Круглоозерный кентінің тұрғындары Мәдениет үйінің қажеттілігін көп жылдан бері көтеріп келді. Бұл мәселе менің тұрғындармен кездесулерім барысында да бірнеше мәрте айтылды. Сондықтан бүгінгі күн – кент тұрғындарының ортақ жеңісі әрі қуанышы. Инвестордың қолдауының арқасында әртүрлі буын өкілдерінің басын қосатын маңызды нысанды жүзеге асыруға мүмкіндік туды, – деді қала әкімі Мұрат Болатұлы.
Заманауи талаптарға сай бой көтерген әлеуметтік нысан кенттің жеті мыңнан астам тұрғыны үшін мәдени, шығармашылық және қоғамдық орталыққа айналды. Жалпы аумағы 1,5 мың шаршы метрден асатын жаңа ғимараттың құрылысы 2025 жылдың маусым айында басталып, 550 миллион теңге көлеміндегі жеке инвестиция есебінен жүзеге асырылды.
Жаңа Мәдениет үйінде алдағы уақытта концерттер, шығармашылық кештер, мерекелік және қоғамдық іс-шаралар, сондай-ақ тұрғындармен кездесулер тұрақты түрде өткізіледі. Сонымен қатар балалар мен жасөспірімдерге арналған би үйірмелері мен түрлі секциялар жұмыс істейді. №14 қалалық кітапхана орналасқан ғимараттың маңызды ерекшелігі – елдегі кітап оқу мәдениетін дамытуға бағытталған мемлекеттік саясатпен үндес.
Еске салсақ, 2026 жылғы 16 мамырда Мемлекет басшысы Қасым-Жомарт Тоқаев «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойып, бұл бағытты мемлекеттік саясаттың басым бағыттарының бірі ретінде айқындаған болатын.
Мақаланың толық нұсқасын «Жайық үні» газетінің ертеңгі нөмерінен оқисыздар.
Даметкен Сағынбаева
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
