Кіру«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
13 мамыр күні Қазақстан Республикасы Президентінің кеңесшісі Мәлік Отарбаев Орал қаласына атбасын бұрып, білім саласының өкілдерімен, студент-жастармен кездесті. Қазақстан инновациялық және телекоммуникациялық жүйелер университетінің Студенттер сарайында өткен жиында М. Отарбаев Ұлттық құрылтайда Мемлекет басшысы Қасым – Жомарт Тоқаевтың көтерген негізгі мәселесін алға тартты.
– Батыс Қазақстан облысына іс–сапарымдағы негізгі мақсатым – биылғы жылы Бурабайда өткен Ұлттық құрылтайдағы Мемлекетбасшысының бағдарламалық баяндамасы туралы өздеріңізбен пікір алмасу. Ұлттық құрылтай шын мәнінде қоғамда орын алып отырған өзекті де, көкейтесті мәселелердің шешім табуы негізінде құрылған ауқымды тұғырнама болып қалыптасты. Ұлттық құрылтайдағы Ел басшысының бағдарламалық баяндамасы біздер үшін мемлекеттік маңызы бар құжат болып есептеледі. Яғни, Ұлттық құрылтайдағы айтылған мәселелердің түбегейлі шешімін табуы мақсатында Мемлекет басшысы 53 тармақтан тұратын Жарлыққа қол қойды. Жиында көтерілген әрбір мәселе – сөз жүзінде емес, іс жүзінде де көрініс табуда,- дей келіп, әр елдің өз сенім – ұстанымы бар екенін, әр адам өз Отанына адал еңбек ету керегін айтты. Президенттің Ұлттық құрылтайда көтерген мәселесінің бірі – заң мен тәртіп, яғни, заң мен тәртіп аясында өмір сүру. Алмағайып кезеңдегі басты мақсат – Тәуелсіздікті нығайту, мемлекетшілдік дәстүрді жалғастыру. Сондықтан да ұсақ дүниеге мән бермей, «тырнақ астынан кір іздемей», ынтымақта болуымыз керек. Заңнан асатын барометр жоқ. Ірілікті жалғастыратын текті ұрпақ болуы қажет. Біз – Алтын орда мемлекетінің заңды мұрагеріміз. БізМемлекет басшысының тапсырмасына сәйкес, Жошы ұлысының іргесі қаланғанына 800 жылтолғанын атап өттік. Біздің тарихымыз тек қана қасіретті жылдардан құралмағанын естеншығармайық. Тәуелсіздік жылдарында көптеген табыстарға қол жеткіздік. Сондықтан да әр тарихи кезеңді есте ұстайық. Елімізде алауыздық орын алмауы тиіс. Тіпті, әлеуметтік желіде жазылған пікірлердің барлығына жауапкершілікпен қарауымыз керек. Өйткені, бізді әлем бақылап отыр. Әр жасаған ісімізге жауапкершілікпен қарап, заң мен тәртіптің аясында өмір сүріп, жарасымды, үйлесімді түрде болуымыз қажет. Қоғамдық мәдениетті дамыту – біз үшін өте маңызды мәселе,- деді Президент кеңесшісі М. Нұржанұлы.
«Жайық ҮНІ»
Версия для печати
Соңғы жаңалықтар
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
Атом реакторларының қауіпсіздігі қалай тексеріледі? Ұлттық ядролық орталық өкілімен сұхбат
Қасым-Жомарт Тоқаев Орталық сайлау комиссиясының төрағасы Нұрлан Әбдіровті қабылдады
МЕМЛЕКЕТ БАСШЫСЫ БАТЫС ҚАЗАҚСТАН ОБЛЫСЫНЫҢ ӘКІМІ НАРИМАН ТӨРЕҒАЛИЕВТІ ҚАБЫЛДАДЫ
Мемлекеттік қызметшілерге «Мемлекеттік қызметшінің құндылық мінез-құлқы: «Адал азамат» моделі» тақырыбында семинар өтті
Құрылтай сайлауы жақындады: партиялар өңірлердегі жұмысын күшейтіп, пікірсайысқа шықты
Саяси партиялардың төрағалары 19 тамызда қорытынды теледебатқа қатысады – ОСК
На Jibek Joly завершились командные теледебаты: опубликованы итоги онлайн-голосования
Институт ядерной физики — научно-технологическая опора атомной энергетики Казахстана
