КіруӘЛЕУМЕТТІК НАН БАҒАСЫ КӨТЕРІЛМЕЙДІ
Өңірде жоғары және бірінші сұрыптағы ас атасының құны 10-20 теңгеге өскен. Дүкендерде нан 160 теңгенің аралығында саудалануда. Апта басынан басталған қымбатшылық жоғары сұрыпты ұн бағасының өсуімен байланысты дейді жергілікті бөлімінің мамандары. Орал қалалық ауыл шаруашылығы және кәсіпкерлік бөлімі бағаны тұрақтандыру мақсатында күнделікті әлеуметтік дүкендер мен сауда желісіне мониторинг жүргізуді қолға алыпты. Бүгін «Желаев нан» сауда белгісімен танылған «Талецкий» жеке кәсіпкерлігіне барып, бағаны бағамдап қайтты.
Қазір қалада 7 наубайхана нан пісіреді. Негізгі нанмен қамтушы – Желаев нан комбинаты бағаны 150 теңгеге көтерген. Ал тасымалдаушылар және он теңге қосып, дүкендерде жоғары сұрыпты нан 160 теңгеден сатылуда.
– Күні бүгінде қамбадағы астық қоры таусылды. Биыл егін аз болды. Сол себепті қазіргі таңда жоғары сұрыпты нан бағасын 15 теңгеге қымбаттаттық. Бұрын 135 теңгеден сатылса, қазір 150 теңгеге жетті. Сондай-ақ екінші сұрыпты ұн бағасы 9 теңгеге көтерілді, яғни бағасы 119 теңге болды. Ал бірінші сұрыпты әлеуметтік нан бағасы бұрынғыша 80 теңгеден саудалануда. Аз қамтылған, көпбалалы отбасыларға әлеуметтік нанды тегін таратамыз. Ұнды ең соңғы рет келісін өзіміз 187 теңгеден сатып алдық, – деген «Желаев нан» наубайханасының қожайыны Олег Талецкий жағдайдың күрделі екенін жасырмады.
Алайда, қалалық ауыл шаруашылық және кәсіпкерлік бөлімінің басшысы Жалғас Ғұмаров әлеуметтік тауар болып белгіленген бірінші сұрыпты нан бағасы 80 теңгеден аспайтынын айтып сендірді.
– Өткен аптадан бері аталған өнім бағасын бірлі жарым кәсіпорын көтерген болатын. Бүгінде облыс, қала басшылығының ұйымдастыруымен бірқатар жиындар өтіп, нан өндіруші мекемелермен әлеуметтік нан бағасы 80 теңге болып белгіленді. Қолдау ретінде аталған мекемелерге «айналма схемасына» қаражат қарастырылды. Одан бөлек әлеуметтік ұн өндіруші мекемелерге қосымша астық сатып алу жайы қарастырылуда. Қаладағы 7 нан өндіруші наубайханада тәулігіне 35 мыңнан аса нан пісіріледі. Оның 22 пайызы, яғни 7000 нан бірінші сұрыпты ұннан дайындалады. Жалпы келісімге сәйкес, әлеуметтік нанның бағасы 80 теңге болып белгіленді, – дейді кәсіпкерлік бөлімінің басшысы.
Кәусар БАЙҒАЛИЕВА
Версия для печатиСоңғы жаңалықтар
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу