Кіру«ӘЛЕМНІҢ ЖАРЫҒЫ»
Бүгін Х.Бөкеева атындағы облыстық қазақ драма театрында Елбасының «Болашаққа бағдар: рухани жаңғыру» мақаласын жүзеге асыру аясында дәл осындай тақырыппен облыстық аналар форумы өтті.
Форум екі бөлімді қамтыды. Алғашқы бөлімінде дарынды балаларға арналған мамандандырылған №8 облыстық мектебің, қаладағы №32, 37 орта мектептер мен жаратылыстану-математика бағытындағы №41, Ә.Молдағұлова атындағы №38 мектеп-лицейлерінің «Әжелер», «Аналар», «Қыздар» клубтарының іс-тәжірибелерінен шеберлік сыныптар, психологиялық тренигтер, «Ана бақыты – бала» тақырыбында дөңгелек үстел өтті. Ал түстен кейін форум облыс әкімінің орынбасары Ғабидолла Оспанқұлов, Қазақстанның еңбек сіңірген қайраткері, ақын Ақұштап Бақтыгерееваның қатысуымен облыстық қазақ драма театрында жалғасты. Форумды ашқан облыстық білім басқармасының басшысы Шолпан Қадырова шараның мақсаты – тіршіліктің алтын арқауы аналарды ардақтау, қыз бен ұл тәрбиесі туралы ой-пікір бөлісу екеніне тоқталып, барша аналарды көктемнің алғашқы мерекесі 8 наурыз – Аналар мерекесімен құттықтады.
– Бала тәрбиесін тек қана мұғалімдерден күтпей, әр отбасы мән беруі керек. Отбасынан жақсы тәрбие алып шыққан баланың білімі де, болашағы да жарқын болады. Ата-бабамыз қызға төрден орын сыйлаған, болашақ ана деп құрметтеген. Қыз – елдің көркі. Сұлулықтың символы. Әсіресе, қыз баланың тәрбиесіне аса мән беруіміз керек. Өйткені олар – болашақ ана ғой. Сол себепті осындай жиындарда ұрпақ тәрбиесін жиі талқылауымыз қажет. Бізде Әкелер форумы бірнеше жыл бұрын бір әкенің бастамасымен құрылған. Қазір бүкіл Қазақстанда бар. Бала тәрбиесінде әкенің рөлі ерекше, біріншіден қоғамдағы мықты қорғаныш ретінде, баланың мінезінің тұрақтылығында маңызы зор. Ал кез келген бала дүниеге келісімен анасының жанында болады. Айтқанын ұғып өседі. Әр бала өзінің анасына құрмет жасауы тиіс. Кеше ғана Мемлекет басшысы Н.Әбішұлы «Нұр Отан» партиясының XVIII съезінде Үкіметке көптеген тапсырмалар жүктеді. Сол тапсырмалардың 80-90 пайызы аналарды қолдауға бағытталған. Көпбалалы ананың үйінде бала күтімімен отырғанының өзін жұмыс ретінде қалыптастыруға жағдай туғызу, тұрғын үй мәселесін реттеу бойынша көптеген тапсырмалар алдық. Біз ұлттың болашағын ойлап жатырмыз, – деген облыс әкімінің орынбасары Ғабидолла Оспанқұлов көпбалалы аналарды облыс әкімінің Алғыс хаттарымен марапаттады. Жиында сөз алған ақын Ақұштап Бақтыгерейқызы ана болудың ең қиын, ең қымбат мамандық екенін тілге тиек етіп, әр ана өз ұрпағының ғана емес, адамзаттың ертеңі үшін жауапты екенін алға тартты. Ал филиология ғылымдарының докторы, профессор Мұрат Сабыр қазақ отбасындағы әйелдің рөлін жан-жақты мысалдармен талқылады. Сондай-ақ форум аясында «Алтын алқа» иегері Клара Ризуанова, патронаттық тәрбиеші-ана Бибігүл Мақанова бала тәрбиесіндегі тәжірибелерімен бөлісті. Форум мерекелік концертке жалғасты.
Кәусар БАЙҒАЛИЕВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу