КіруКеліндерге ақшалай сыйақы берілді
Бүгін, қарашаның 22-сі күні Достық үйінде БҚО қоғамдық даму басқармасының қолдауымен, «Тұғырым» қоғамдық бірлестігінің ұйымдастыруымен «Пай – пай қазақтың келіндері-ай!» атты келіндер сайысы өтті.
Бұл байқаудың ерекшелігі – жарысқа қатысушы келіндердің барлығы да отбасындағы ата-енелерімен бірге тұрады.
Шарада облыстық қоғамдық даму басқармасының бөлім басшысы Жаннұр Ахметов құттықтау сөз сөйлеп, барлық қатысушыларға сәттілік тіледі.
Айтулы сайыста Ақжайық, Қаратөбе, Тасқала, Шыңғырлау, Жәнібек, Бәйтерек, Теректі , Бөкей орда, Бөрлі ауданынан және Орал қаласынан келген келіндер ән айту, сән үлгісін көрсету, ұршық иіру, салт – дәстүрден көрініс көрсету, ауыл өмірінен бейне таспа көрсету арқылы бақ сынады.
Аталмыш сайыстың соңында әділқазы алқасының мүшелері Меңзипа Жұматова, Тамара Нәби барлық қатысушыларға ізгі тілектерін айтып, алғыстарын жеткізді.
Әділқазылар алқасының шешімімен бөкейордалық Сұлушаш Ғұбашева бірінші орынның жеңімпазы атанып, 500 000 теңге иеленсе, екінші орын алған қаратөбелік Гүлдана Имашева – 300 000 теңге, үшінші орын иегері жәнібектік Қырмызы Бисенғалиева – 200 000 теңге қаржылай сыйлық пен Алғыс хатпен марапатталды. Сондай- ақ, басқа да келіндерге арнайы Алғыс хат табысталды.
Г. АЯЗБАЕВА
Бұл туралы газетіміздің келесі санынан толық нұсқасын оқисыздар.
Соңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
