КіруҰЯЛЫ ТЕЛЕФОН ҰРЛАНДЫ
16 ақпанда шамамен сағат 18.30 шамасында белгісіз тұлға Орал қаласы, Жәңгірхан даңғылы №67/2 мекен-жайы бойынша орналасқан медициналық колледжінің жанында бола тұра, күш қолдану арқылы кәмелет жасқа толмаған 2001 жылы туылған Мажит есімді азаматқа тиесілі «Хуавей лайт» ұялы телефонын ашық түрде тонап алған. Ілезде лып беріп, оқиға орнынан бой тасалаған. Қымбатқа бағаланатын ұялы телефонынан айырылып, сан соққан жәбірленуші полицияға телефон шалып, шағымданды.
Аталған тонау қылмысын ашу мақсатында Шаған полиция бөлімі криминалдық полиция бөлімшесінің жедел уәкілдері бірнеше бейнебақылау камераларын мұқият қарап, мүдделі қызметтер шапшаң қимылдады. Жасырынуы мүмкін деген бағыттардың барлығы тексеріліп, жедел іздестіру шаралары барысында, осы қылмысқа қатысты күдікті ретінде бір азамат анықталды. Шаған полиция бөліміне жеткізілген күдіктіден сұрастыра келе, телефонға қызығып, оңай олжа таппаққа ниеттенгенін мойындады. Күдікті 2000 жылы Ақжайық ауданында дүниеге келген, дәл қазір Орал қаласы, «Локоматив» саяжайы қоғамындағы бір үйде тұрады екен. Тәртіп сақшылары қылмысқа қатысы бар осы күдіктіні Евразия көшесіндегі №54 жәйлі пәтерлі үйдің бір пәтеріне аяқтай іздеп барып тауып, істің мән-жайын сұрастырды. Қазіргі күні 19 жастағы М. есімді азамат Қазақстан Республикасы қылмыстық кодексінің 128-бабына сәйкес Орал қаласы полиция басқармасының уақытша ұстау изоляторына қамалды. Одан әрі Шағандық полицейлер жедел іздестіру қызметкерлерінің осы аталған күдікті тұлғамен жүргізілген жұмыстары нәтижесінде оның Орал қаласы аумағында жасалған 2 қылмысқа және Ақжайық ауданында жасалған тонауға қатысы бар екенін анықталды. Тергеу амалдары жүргізілуде. Яғни, қала орталығында 2 азаматты және Ақжайық ауданында азаматтарды тонап, ұялы телефондарын, әмияндарын, сөмкелерін, өзге де жеке мүліктерін күш көрсету арқылы тартып алған. Адам тонағыш күдіктіден тәркіленген заттай дәлелдемелер өз иелеріне кері қайтарылып берілді.
Сонымен қатар, бұл жігіттің бұған дейін де түрлі қылмыстарға қатысы бары, заң алдында жауапталғаны анықталды.
Қазіргі күні Шаған полиция бөлімі Қазақстан Республикасы қылмыстық кодексінің 191 бабының 2 бөліміне сай 4 эпизодпен қылмыстық іс қозғалып тергеу амалдары жүргізілуде. Тонау фактілері бұдан да көп болуы әбден мүмкін. Адам тонау фактісі полиция қызметкерлерінің кәсіби шеберліктері мен жіті қимылдары нәтижесінде ашылып, жәбірленушілер алғыстарын айтты.
Гүламан Есмағұлова, Орал қ.ПБ баспасөз қызметкері
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу