КіруИттерге рейд
Қарашаның 21-і күні Орал қалалық ветеринарлық станциясының басшысы Ерлан Ишанов, облыстық ветеринариялық басқармасының бас маманы Қуандық Хамитов, ит аулаушылыр және БАҚ өкілдерінің қатысуымен Орал қаласындағы № 40,26,32 ЖОББ мектептердің аулаларындағы қаңғыбас иттерді бақылау мақсатында рейд жүргізілді.
Қалалық ветеринариялық станциясының басшысы Ерлан Ишановтың айтуынша, 2011 жылдан бері бұралқы иттерді ату жөніндегі заң алынып тасталған.
Сондықтан тұрғындардан түскен шағым арыздар бойынша ит аулаушылар 5-8 ит қана аулайды. Айталық, мектепке, балабақшаға баласын әкелген ата- анамен бірге бос жүрген байлаусыз иттер еріп келеді екен.
Бұл ретте тұрғындардан үйінде ұстайтын итті арнайы қарғымен байлап ұстау қажеттігін ескертті. Біз барған √ 26 мектептің ата – анасы Алтынай Құсайынова осыдан 8 ай бұрын ұлын ит қауып, денсаулығына нұқсан келгенін, мұғалімдер үйіне барып ұлына сабақ беретінін айтты.
Аталмыш мектептің директорлары Ләззат Кастуғанова мен Қымбат Рахымбердина оқу ордасының ауласына ит көп келгендіктен, ветеринарлық станцияға шағымданғандарын алға тартты.
Рейд кезінде ит аулаушылар қолдарындағы сеткамен біраз итті аулап,көлікке тиеп,арнайы зертханаға жіберді.
Гүлжан СЕРІКҚЫЗЫ
Бұл туралы «Жайық Үнінің» келесі санынан толықтай оқисыздар.
Соңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
