КіруҚИМЫЛДЫ ЖЕТІЛДІРЕТІН ҚҰРЫЛҒЫ
«Дара» жеке қайырымдылық қорының қолдауымен Орал қаласының психологиялық-педагогикалық түзеу кабинетіне тірек-қимыл бұзылыстары бар балаларды емдеуге арналған «Гросс тренажеры» орнатылады.
Тірек-қимыл бұзылыстары бар балалар арнайы түзете-дамытуды қажет етеді. «Гросс тренажер» осы санаттағы балалардың болашақта аяқ басып, жүріп кетулеріне кепіл болатын қажетті құрылғы. Осы аптада құрылғының авторлары әкелі-балалы Юхан, Артур Гросстардың өздері келіп, қаламыздағы педагогикалық-психологиялық түзеу кабинетіне орнатып, нұсқаушыларға қолданылуын үйретті.
Юхан Гросс алдымен тренажерді спортшылардың жаттығуы үшін дайындаған. Бірақ, оның тірек-қимыл аппараты бұзылған балаларды емдеуге септігі зор болып шығыпты. Сондай-ақ құрылғы 20 жылдан астам уақыттан бері мүгедек балаларды сауықтыруда сәтті қолданылып келеді.
– Әдетте бала оны біреудің көтеріп тұрғызғанын күтеді. Ал бұл тренажер баланың өз еркімен тұруына мүмкіндік береді. 1991 жылы алғаш рет құрылғыны балалар ауруханасында орнаттық. Сол ауруханада жатқан инфекциялық сипаттағы сал ауруына шалдыққан 13 жасар қыздың аяққа тұруына көмектестік. Жаттығу кезінде ол қуанатын. Осы эмоциялық сәт оған үміт сыйлап, кереуетте жата беруге болмайтынын сездірді. Әкесі оны күн сайын жаттығуға әкелді. Бір жыл ішінде ол қыз өз аяғымен ауруханадан шықты. Қазіргі уақытта велосипед теуіп, шаңғымен де сырғанайды, – деді құрылғының авторы.
1994 жылы Юхан Артурович Мәскеу жалпыресейлік дене шынықтыру ғылыми-зерттеу институты жанынан мүгедек балалар спорты мен денешынықтыру зертханасын ашқан. Маманның айтуынша, барлық зерттеулер балаларға вертикальды тұрып, тірек қабілеттерін дамыту, қимылдарын жетілдіру қажеттігін көрсеткен. Яғни, сіңірлердің созылуы горизонтальды жүзеге асырылмайды. Құрылғының артықшылығы да осы – тірек-қимыл аппаратының қызметі ауыр бұзылған аурудың өзін сауықтыру кезінде денені тігінен қоюмен қамтамасыз ете алады. Тренажер моториканы және тірелу қабілетін дамытуға, буындардың қозғалмалылығын және бұлшық еттерінің жұмысын ынталандыруға бағытталған жаттығуларды орындауға мүмкіндік береді.
«Дара» жеке қайырымдылық қоры еліміздегі алты қаладағы психологиялық-педагогикалық түзеу кабинеттеріне аталмыш жаттығу құрылғысын алуға жәрдемдескен. Қаламыздағы түзеу кабинетінде сал ауруына шалдыққан және тірек-қимыл жүйесі бұзылған 70-ке тарта бала көмек алады. Орталық мамандары жаңа құрылғының жәрдемі тиіп, балалардың қозғалысымен қатар есту-сөйлеу қабілеті, ақыл-ойы дамиды деген сенімде.
Эльмира АСХАТҚЫЗЫ
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу